सुदूरपश्चिममे ठप ४५ जनहनमे कोरोना पुष्टि

पहुरा समाचारदाता
धनगढी, २१ असार । सुदूरपश्चिम प्रदेशमे अँटवार साढे एक बजेसम ४५ जनहनमे कोरोना संक्रमिट पुष्टि हुइल बा ।
धनगढी प्रयोगशालामे हुइल परीक्षणमे १२ महिला ३३ पुरुष करके ४५ जनहनमे कोरोना पुष्टि हुइल हो । जेम्ने डडेल्धुरा पर्शुरामके एक महिला चार पुरुष, कैलालीके गोदावरीमे एक महिला आठ पुरुष, टीकापुरके एक पुरुष, धनगढी वडा नम्बर ८ के दुई महिला ओ कञ्चनपुर पुर्नवासके आठ महिला बीस पुरुषमे कोरोना पुष्टि हुइल सेती अस्पतालके सूचना अधिकारी दिलिप कुमार श्रेष्ठ बटैलै । पछिल्का २४ घण्टामे १ सय ३७ जानेक पीसिआर विधिसे कोरोना चेकजाँच हुइल उहाँ जनैलै ।