थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४३, शुक्कर ]
[ वि.सं ३० श्रावण २०७७, शुक्रबार ]
[ 14 Aug 2020, Friday ]

कोभिड–१९ बारे खेलवार नाकरी

पहुरा | १४ श्रावण २०७७, बुधबार
  • 6
  •  
  •  
  •  
  •  
  •  
  •  
  •  
    6
    Shares
कोभिड–१९ बारे खेलवार नाकरी

कोरोना भाइरस (कोभिड–१९) के कारण विश्व प्रभावित हुइल बा । कोरोना भाइरसके महामहारी फैलेबेर विश्वभर ढेर दिन लकडाउन कैना अवस्था आइल, जेकर कारण सक्कु क्षेत्रमे नइमजा प्रभाव परल ओ मुलुकके अर्थतन्त्र पूरा धारापमे परल बा । कोरोना भाइरसके संक्रमणसे बाँचेक लाग नेपालमे चैत ११ गतेसे लकडाउन हुके विद्यालय, क्याम्पसके पठनपाठन बन्द हुइल जौन अभिनफे सुचारु नइहुइल हो कलेसे परीक्षा समेत कराई नइसेक्गिल हो ।

जौन बेला और देशमे कोरोना संक्रमित डेखा परल रहिट, यहाँभर एक्कल दुक्कल केल केश रहेबेर कडा लकडाउन पारल रहे । एक गाउँसे दुसर गाउँ जैनाफे कर्रा रहे, गाउँ–गाउँमे घारा बेरवाइल रहे, एक स्थानीय तहसे दुसर स्थानीय तहमे प्रवेश निषेध कैगिल रहे । एक प्रदेशसे दुसर प्रदेश जाईक लाग सवारी पास लेहे पर्ना अवस्था रहे, उ बेला ढेर मनै अपनहीफे सजक रहिट । मने अब्बे कोरोना संक्रमिट स्थानीय तह पिच्छे, वडा–वडामे डेखा परल बाटै, सरकार लकडाउनके घोषणा करके पूर्णरुपसे पालनाफे कराई नइसेकल, गृहमन्त्रालयसे विना मास्क बजार निकरलेसे कार्वाही कैना सूचना जारी करल मने कार्यान्वयन कराई नइसेकल । अब्बे टे सरकार लकडाउनफे हटासेकल सेकल बा । लकडाउन टे हटागिल मने कोरोना भाइरसके संक्रमण दरमे कमी नइआइल हो, जोखिम और बह्रल विल्गाइठ ।

अब्बे विश्वभरके तथ्याङ्क हेरेबेर १६ लाख ६७ हजार २ सय २५ जाने संक्रमित हुके ६ लाख ५७ हजार २ सय ६४ जानेक ज्यान जासेकल बा । नेपालके तथ्याङ्क हेरेबेर ३ लाख ५२ हजार ३ सय ७ जानेक कोरोना परिक्षण करेबेर १९ हजार ६३ जाने संक्रमिट हुइल बाटै कलेसे ४९ जानेक कोरोनाके ज्यान जासेकल बा । अब्बेफे कोरोना संक्रमण दर बह्रटी गैल बा । मंगरके रोज नेपाल भर ३११ जनहनमे कोरोना संक्रमण पुष्टि हुइल बा । कलेसे सुदूरपश्चिमके केल ९७ जाने कोरोना संक्रमिट ठप्लै, कुछ मापदण्ड बनैटी सरकारसे सार्वजनिक यातायात खोलल, भदौ १ गतेसे क्याम्पसमे पह्राई कैना सूचना क्याम्पसे जारी करटी बाटै, भदौ १५ गतेसे विद्यालय संचालन कैना सरकार कैहसेकल बा । मने सार्वजनिक यातायातमे कोचाकोच यात्रु बैठैना काम हुइटी बा, सार्वसाधारण विना मास्क हिडडुल करल विल्गाइठै । जेकर कारण संक्रमण झन फैल्नाहस विल्गाइटा, अस्टे गतिविधि हुइटी गिलेसे सामुदायमे संक्रमण फैल्ना सम्भावना और ढेर विल्गैटी गैल बा । टबमारे कोरोनाबारे खेलवाड नकरी, कोरोना जिहीहेफे लागे सेकी, सक्कु जे सजग बनी, अपने बाँची ओ अपन परिवार समाजहेफे बचाई ।

  • 6
    Shares

जनाअवजको टिप्पणीहरू