थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४३, शुक्कर ]
[ वि.सं ३० श्रावण २०७७, शुक्रबार ]
[ 14 Aug 2020, Friday ]

उपमहानगरपालिकाके कुर्सीमे फेनसे ‘गुह्’

पहुरा | १५ श्रावण २०७७, बिहीबार
  • 64
  •  
  •  
  •  
  •  
  •  
  •  
  •  
    64
    Shares
उपमहानगरपालिकाके कुर्सीमे फेनसे ‘गुह्’

पहुरा समाचारदाता
धनगढी, १५ सावन ।
धनगढी उपमहानगरपालिका कार्यालयमे फेरसे ‘गुह्’ फेला परल बा । उपमहानगरपालिकाके योजना तथा बजेट शाखा प्रमुखके कुर्सीमे ‘गुह्’ राखल हप्ता नैबिट्टी मेकानिकल सब–इन्जिनीयरके कुर्सीमे फेन ‘गुह्’ बिल्गाइल हो ।

‘मोर बैठ्ना कुर्सीमे ‘गुह्’ रहे,’ मेकानिकल सव इन्जिनीयर सतविर राना कहलै, ‘कार्यालय समयमे अइनु । सरसरफाई कर्ना टे कर्ठै मने उहाँहुक्रे खै डेख्लै कि नाई । पुराने मनैयाक् करल काम हो जसिन हमार अनुमान बा ।’

कुर्सीमे गुह बिल्गाइल लगत्ते राना प्रशासन शाखा प्रमुख नारायणप्रसाद शर्मा लगायतके कर्मचारीहुकन खबर करल रहिट । लगत्ते उहाँके कार्यकक्षमे पुगल शर्माके निर्देशनमे कार्यालय सहयोगी डबल चौधरी कुर्सीमे रहल गुह् सफा करल रहिट ।

धनगढी उपमहानगरपालिकामे कर्मचारीहुकन बीच आपसी विवाद बह्रल बा । जौनकारण उ गुह् काण्ड प्रयोजित रहल फेन कर्मचारीहुकनके बुझाई बा । यहेबीच पहिलेक् गुह् प्रकरण छानविनके लागि समिति फेन गठन करगिल रहे ।

  • 64
    Shares

जनाअवजको टिप्पणीहरू