थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४३, शुक्कर ]
[ वि.सं ३० श्रावण २०७७, शुक्रबार ]
[ 14 Aug 2020, Friday ]

दुर्घटनामे प्रदेशसभा सदस्य थापा घाहिल

पहुरा | १७ श्रावण २०७७, शनिबार
  • 17
  •  
  •  
  •  
  •  
  •  
  •  
  •  
    17
    Shares
दुर्घटनामे प्रदेशसभा सदस्य थापा घाहिल

पहुरा समाचारदाता
धनगढी, १७ सावन ।
सुदूरपश्चिम प्रदेशसभा सदस्य अम्बिका कुमारी थापा सडक दुर्घटनामे परके घाहिल हुइल बाटी ।

धनगढी–८ बुद्ध चोकमे मोटरसाइकल दुर्घटना हुके उहाँ घाहिल हुइल हुइट । बुद्धचोकसे जुगेडाओर जैटी बेर मोटरसाइकल सवार उहाँहे आघेसे दुसर मोटरसाइकलसे ठक्कर डेहल रहे ।

मोटरसाइकलके ठक्करसे घाहिल हुइल उहाँहे उपचारके लाग धनगढीस्थित माया मेट्रो अस्पतालमे लैगिल रहे । उहाँक मुरीमे गहिर चोट लागल बा ।

उपचाररत अस्पतालमे मुख्यमन्त्री त्रिलोचन भट्ट, सभामुख अर्जुन थापा, उपसभामुख निर्मला बडाल जोशी, सामाजिक विकास मन्त्री कृष्णराज सुवेदी लगायत और प्रदेशसभा सदस्यफे उहाँ पुगल रहिट । उहाँ उपचार सम्भव नहुइलपाछे काठमाडौं लैजैना बतागिल बा । प्रदेशसभा सदस्य थापा कांग्रेससे अछाम जिल्लाके प्रतिनिधित्व करले बाटी ।

  • 17
    Shares

जनाअवजको टिप्पणीहरू