प्रिन्सिपल हत्या प्रकरण : घटनाके सत्यतथ्य छानविनके माग

मसुरिया, २२ बैशाख । कैलालीको विहानी क्षितिज विद्यालयके सञ्चालक तथा प्रिन्सिपल कृष्ण प्रशाद भुसालके हत्या हुइल कहटी सोम्मारके मसुरियामे दवार्ब याली निकागिल बा ।
विद्यार्थी सहित स्थानीयहुक्रे गौरीगंगा नगरपालिकाके वडा नं ९ मसुरिया, ८ बढैपुर ओ ४ राजीपुर बजारमे विरोर्ध याली निकारल हुइट । एन प्याव्सनके केन्द्रीय उपाध्यक्ष समेत रहल भुसाल मृत भेटल १२ दिन हुइलेसे फेन घटनाके बारेमे प्रहरी अनुसन्धान ओर ध्यान नाइ डेहल उहाँहुक्रे आरोप लगैले बाटै । अँट्वारके फेन मसुरिया क्षेत्रके नागरिक ओ पूर्व विद्यार्थी पूर्वपश्चिम राजमार्गमे विरोर्ध यालि निकारल रहिट ।
ढिउर संख्यामे स्थानीय नागरिकहुक्रे लकडाउनके पालना करटी सामाजिक दुरी कायम कैर्के यालिमे सहभागी हुइल रहिट । घट्नाके छानबिनमे प्रहरी ध्यान केन्द्रित नाइ करल सहभागीहुक्रनके गुनासो रहल बा कलेसे घटनाहे अन्ते मोर्ना प्रयास हुइल आरोप लगैले बाटै ।
जिल्ला प्रहरी कार्यालय कैलाली भर घटनाके बारेम छानबिन हुइटी रहल जनैले बा । भुसाल पूर्व–पश्चिम महेन्द्र राजमार्गके आखोइया यिहे बैशाख ११ गते मृतावस्थामे फेला परल रहिट ।