थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १५ चैत २६४७, बिफे ]
[ वि.सं १५ चैत्र २०८०, बिहीबार ]
[ 28 Mar 2024, Thursday ]
‘ प्राथामिकतामे स्वास्थ्य ओ कृषि क्षेत्र ’

प्रदेश सरकारसे ३३ अर्ब ३८ करोडके बजेट प्रस्तुत

पहुरा समाचारदाता | १ असार २०७७, सोमबार

धनगढी, १ असार । सुदूरपश्चिम प्रदेश सरकारसे ३३ अर्ब ढिउरके बजेट प्रस्तुत करले बा ।
आर्थिक बरस २०७७/०७८ के लाग प्रदेश सरकारसे ३३ अर्ब ३८ करोड ४८ लाख बराबरके बजेट प्रस्तुत करल हो । प्रदेश सरकारके आर्थिक मामिला तथा योजना मन्त्री झपट बोहोरा बजेट प्रस्तुत करल हुइट ।

उ बजेट मध्ये चालु ओर १४ अर्ब १८ करोड ७८ लाख अर्थात कुल बजेटके साढे ४२ प्रतिशत ओ पुँजीगत ओर १६ अर्ब ७२ करोड ८४ लाख अर्थात कुल बजेटके ५० दशमलव २ प्रतिशत बजेट विनियोजन हुइल बा । चालु आव २०७६/०७७ के लाग २८ अर्ब १६ करोड २० लाख ३५ हजार रुपैयाँके बजेट लानल रहे ।

प्रदेश सरकारसे स्वास्थ्य, कृषि, सडक, खानेपानी, सिँचाई, उर्जा, तटबन्ध आदि पूर्वाधार विकासहे प्राथमिकता राखके बजेट लानल जनैले बा । प्रदेश सरकारसे ‘निर्वाचन क्षेत्र पुर्वाधार विकास कोष’के लाग फेन बजेट छुट्याइले बा । प्रत्येक निर्वाचन क्षेत्रमे तीन करोडके दरसे प्रदेश सरकारसे ९६ करोड बजेट विनियोजन करले बा ।

आर्थिक मामिला तथा योजना मन्त्री बोहरा प्रदेश सरकारसे वित्तिय समानीकरण, सशर्त विशेष ओ समपुरक समेत कैके नेपाल सरकारसे १४ अर्ब २१ करोड ८२ लाख रुपैयाँ प्राप्त हुइना अनुमान करल जनैले बा । चालू आवके लाग उहे शिर्षकमे नेपाल सरकारसे प्रदेश सरकार १४ अर्ब ५० करोड ३० लाख रुपैयाँ अनुदान प्राप्त करल रहे ।

प्रदेश सरकार यी बरस कोरोना भाइरस संक्रमण रोकथाम तथा नियन्त्रणहे प्राथमिकतामे राखके स्वास्थ्य क्षेत्र सुधारके योजनामे ढिउर बजेट विनियोजन करले बा । स्वास्थ्य क्षेत्रके सुधार, कोरोनाके कारण रोजगारी गुमाइलहुक्रनहे स्वरोजगारके कार्यक्रममे प्राथमिकताके साथ बजेट लानल जनैले बा । कोरोनाके कारण रोजगारी तथा आयश्रोत गुमाइल प्रदेशवासीहे रोजगारी डेहुवाइना खालके कृषि कार्यक्रम, पूर्वाधार विकासके योजना ओ उद्योग विकासके कार्यक्रम आघे सारल बा ।

अधिकांश पूराने योजनाहे निरन्तरता डेटी लानल बजेटमे कृषि, शिक्षा, स्वास्थ्य ओ पूर्वाधार निर्माणके कार्यक्रमहे प्राथमिकता डेहल बा । कोरोना भाईरसके महामारीपाछे प्रभावित हुइलहुक्रनहे लक्षित करटी उहे अनुसारके कार्यक्रमहे समेत समावेश करल बा ।

सरकारसे आगामी बरस कोरोना भाईरससे प्रभावित हुइलहुक्रनहे लक्षित करटी ‘रोगसे बची, भोकसे बची’ अभियान, कामके लाग खाद्यान्न सञ्चालन कैना जनैले बा । प्रदेश सरकारसे कोरोनाके कारण लाखौं नेपाली स्वदेश घुमल ओरसे उहाँहुक्रनहे लक्षित कैके कृषि ओ स्वरोजगारके लाग बजेटमे प्राथमिकता डेहल बा ।

बजेटमे विदेशसे आइलहे स्वरोजगारके कार्यक्रममे जोड्न ओ ओकर लाग स्वरोजगार कोष मार्फत बिना धितो ऋण प्रवाह कैना जनैले बा । स्वदेश आइलहुक्रनहे कृषि ओ गैर कृषिमे आवद्ध हुइना मेरके कार्यक्रम लानल बावै । रोजगारी सिर्जनासंगे कृषिहे व्यवसायिक बनाइक लाग किसानहे कृषि ऋण डेना घोषणा फेन सरकारसे बजेट मार्फत करल बा । स्वरोजगारी ओ रोजगारी सिर्जना कैना उद्यम ओ उद्यमीहे फेन प्रोत्साहनके कार्यक्रम बजेटमे समेटल बा ।

प्रदेशमे कोरोना भाईरसके संक्रमणहे मध्यनजर करटी संक्रमितके उपचारके लाग आवश्यकताके आधारमे थप शैया व्यवस्थापन करटी लैजैना, ९ जिल्ला अस्पतालके स्तरोन्नती कैना, धनगढी, महेन्द्रनगर ओ डडेल्धुराके स्वास्थ्य संस्थाके स्तरोन्नती, बैतडी, डोटी ओ अछाम अस्पतालमे मोलीक्युलर सेटअफ सहितके प्रयोगशाला स्थापना कैना, प्रदेशमे एकठो सुविधा सम्पन्न ट्रमा सेन्टर स्थापना कैना, एक सय शैयाके सरुवा रोग नियन्त्रण अस्पताल ओ क्यान्सर अस्पताल सञ्चालन कैना, सेती ओ महाकाली अस्पतालसे विशिष्टकृत सेवा सञ्चालन कैना कार्यक्रम बजेटमे समावेश करल बा ।

जनाअवजको टिप्पणीहरू