थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

गोठे उँर्वाके उद्धार

पहुरा | २७ श्रावण २०७७, मंगलवार
गोठे उँर्वाके उद्धार

पहुरा समाचारदाता
धनगढी, २७ सावन ।
चराविद् हिरुलाल डगौंरा मंगरके रोज गोठे उँर्वाके उद्धार करले बाटै । भजनी नगरपालिका वडा नं. ४, खैलाडके कालुराम चौधरीके घरसे उ उँर्वाहे उद्धार करल हो । उ उँर्वा कमजोर रहल ओरसे कुुछ दिन उपचार कैके सुरक्षित बासस्थानमे छोरजैना डगौंरा जानकारी डेलै ।

उँर दुर्लभ चिरैँ हुइट । नेपालमे ८८६ जातके चिरैं पाजैठै । ४४ ठो विश्वमे दुर्लभ मानजैठै । विश्वभर पैना २२५ जातके उँर मध्ये नेपालमे २३ जातके उँर पैना उ मध्ये १० प्रजातीके कैलालीमे किल पैना जनाइल बा । ओस्टके नेपालमे पैना उँर मध्ये ८ प्रजातीके दुर्लभ रहल चराविद डगौंरा जानकारी डेलै । उँर तराईसे हिमालसम पैना जनाइल बा ।

प्राय रातके सकृय हुइना उँर शिकारी ओ मांसाहारी चिरैं हुइट । यी चिरैं उरेबर आवाज नाइ अइना ओ आपन कपार २७० डिग्रीसम घुमाइ सेक्ना जनाइल बा ।

जनाअवजको टिप्पणीहरू