सुदूरपश्चिममे १०६ कोरोना संक्रमिट ठप्लै

पहुरा समाचारदाता
धनगढी, २१ असार । सुदूरपश्चिम प्रदेशमे थप १ सय ६ जनहनमे कोरोना संक्रमण पुष्टी हुइल बा । स्वास्थ्य तथा जनसंख्या मन्त्रालयसे पछिल्का २४ घण्टाके अवधीमे राष्ट्रिय जनस्वास्थ्य प्रयोगशाला टेकु, कर्णाली स्वास्थ्य विज्ञान प्रयोगशाला जुम्ला, सेती अस्पताल प्रयोगशाला धनगढी ओ डडेल्धुरा अस्पतालके प्रयोगशालामे करल परिक्षण करके जम्मा १ सय ६ जनेक संक्रमण पुष्टि हुइल जनैले बा । टेकुके प्रयोगशालामे १४ ओ धनगढीके प्रयोगशालामे १३ करके कैलालीके २७ जाने, धनगढीको प्रयोगशालामे डोटीके ३ जाने, टेकुके प्रयोगशालामे ३ ओ धनगढी प्रयोगशालामे १ करके बैतडीके ४ जनहनमे कोरोना संक्रमण पुष्टी हुइल बा ।
ओस्टेक करके जुम्लामे करल परिक्षणमे बाजुराके ३० जाने, धनगढी प्रयोगशालामे ६ ओ डडेल्धुरा प्रयोगशालामे ३ करके डडेल्धुराके ९ जाने, धनगढी प्रयोगशालामे कञ्चनपुरके ३२ जनहनमे, धनगढी प्रयोगशालामे करल परिक्षणमे अछामके १ जनहनमे कोरोना संक्रमण पुष्टी हुइल मन्त्रालय जनैले बा । अब्बेसम सुदूरपश्चिममे संक्रमितके कुल संख्या ३ हजार ६ सय ७८ पुगल बा । कलेसे ६ सय ८० जाने संक्रमित रोग मुक्त हुके घर लौटसेकल बाटै ।