थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४३, शुक्कर ]
[ वि.सं ३० श्रावण २०७७, शुक्रबार ]
[ 14 Aug 2020, Friday ]

कैलालीमे डेढ सय घर डुबानमे (भिडियाेसहित)

पहुरा | १४ श्रावण २०७७, बुधबार
  • 271
  •  
  •  
  •  
  •  
  •  
  •  
  •  
    271
    Shares
कैलालीमे डेढ सय घर डुबानमे (भिडियाेसहित)

अविनाश चौधरी
धनगढी, १४ सावन ।
कैलालीमे १ सय ५० से ढेर घर डुबानमे परल बा । मंगरके रातसे हुइटीरहल वर्षाके कारण करण लडियामे बाह्र आके डुबान हुइल हो ।

जिल्ला प्रहरी कार्यालय कैलालीके अनुसार भजनी नगरपालिकामे किल १ सय २० से ढेर घर डुबानमे परल बा । उ नगरके वडा नम्बर ५ स्थित जबलपुर गाउँके ५०/६० घर डुबानमे परके जोखिम बह्रलपाछे घरेम रहल सक्कु मनैन्हे सुरक्षित स्थानमे सारल प्रहरी नायब उपरीक्षक प्रतीक बिष्ट जानकारी डेलै । ‘ओइनहे लग्गेक् सुरक्षित स्थानमे सारल बा,’ उहाँ कहलै । उ गाउँमे काँढा लगियक् बाह्र पेलल बा ।

तस्बिर सौजन्य : बालकृष्ण चौधरी

अस्टेक, भजनी नगरपालिका–२ ओ ३ स्थित मोहनपुर, ढुसी ओ काँढा गाउँमे काँढा लडियक बाह्र पेल्के करिब ६० घर डुबानमे परल जिल्ला प्रहरी कार्यालय जानकारी डेले बा ।

काँढा लडियक बाह्र ‘ओभरफ्लो’ हुके सडकमे आइलपाछे भजनी–जोशीपुर सडक ओ मोहनपुर गाउँसे महादेउली गाउँ जैना सडक अवरुद्ध हुइल बा । मोहना ओ काँढा लडियक बाह्रसे भजनी नगरपालिका–३ वडाके अधिकाङ्श ठाउँ डुबानमे परल वडा अध्यक्ष विक्रम चौधरी जानकारी डेलै ।
अस्टेक, जोशीपुर गाउँपालिका–३ स्थित फरिया गाउँमे काँढा लडियक बाह्र पेल्के २५ घर ओ वडा नम्बर ४ स्थित झबही गाउँके खैरेनी टोलमे पथरैया लडियक बाह्र पेल्के सात घर डुबानमे परल बा । वडा नम्बर ५ मे फेन कुछ घर डुबानमे परल बा ।

अविरल वर्षाके कारण जिल्लास्थित कर्णाली, मोहना, पथरैया, काँढा, कान्द्रा, घुरहा, खुटिया, कटैनी लगायतके सक्कु लडिया ओ डुंन्ड्रामे बाह्र आके पानीके बहाव उच्च हुइल बा । जिल्लाके सबसे भारी कर्णाली लडियामे पानीके सतह ९.६० मिटर पुगल बा । यी सतर्कताके नजिक हो । कर्णालीमे पानीके सतह १० हुइलेसे सतर्कता अपनाइना आवश्यक रना ‘गेज रिडर’ पार्वती गुरुङ बटैली । अस्टेक, कर्णालीमे पानीके सतह ११ मिटर पुग्ना खतराके संकेत मानजाइठ ।

लगियामे आइल बाह्रके कारण जिल्लाके सक्कु खाल्ह ठाउँमे डुबान हुइल प्रहरी नायब उपरीक्षक बिष्ट बटैलै । उहाँ बर्दगोरिया गाउँपालिका ओ टीकापुर नगरपालिकामे फेन डुबान हुइल ओ विस्तृत रिपोर्ट आइना बाँकी रहल उल्लेख करलै ।

अस्टेक, वर्षाके पानी जमके धनगढी उपमहानगरपालिका–३ के मिलनचौक, बोराडाँडी क्षेत्रमे डुबान हुइल बा । अस्टेक, पार्कचौकमे फेन पानी जमल बा ।

  • 271
    Shares

जनाअवजको टिप्पणीहरू