थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४३, शुक्कर ]
[ वि.सं ३० श्रावण २०७७, शुक्रबार ]
[ 14 Aug 2020, Friday ]

सुदूरपश्चिममे आज ७४ जहनमे कोरोना पुष्टि

पहुरा | १४ श्रावण २०७७, बुधबार
  • 9
  •  
  •  
  •  
  •  
  •  
  •  
  •  
    9
    Shares
सुदूरपश्चिममे आज ७४ जहनमे कोरोना पुष्टि

पहुरा समाचारदाता
धनगढी, १४ सावन ।
सुदूरपश्चिममे आज ७४ जहनमे कोरोना पुष्टि हुइल बा । सेती प्रादेशिक अस्पतालके प्रयोगशालामे ५७ ओ डडेल्धुरा अस्पतालमे १७ कैके आज ७४ जहनमे कोरोना पुष्टि हुइल हो ।

स्वास्थ्य तथा जनसंख्या मन्त्रालयके प्रवक्ता डाक्टर जागेश्वर गौतमके अनुसार डडेल्धुरामे हुइल परीक्षणमे डोटीके १५ ओ बैतडीके २ जहनमे संक्रमण पुष्टि हुइल हो ।

यहाँ सेती प्रादेशिक अस्पतालके सूचना अधिकारी दिलिपकुमार श्रेष्ठके अनुसार ३८ पुरुष ओ १९ महिला कैके ५७ जहनमे कोरोना पुष्टि हुइल हो । पछिल्का २४ घण्टामे २ सय जहनके कोरोना परीक्षण हुइलमे डोटीके ३७, कैलालीके ८, कञ्चनपुरके ८ ओ डडेल्धुराके ४ जहनमे संक्रमण पुष्टि हुइल हो ।

सूचना अधिकारी श्रेष्ठके अनुसार सबसे ढेर डोटीके आदर्श गाउँपालिकामे ३७ जहनमे कोरोना डेखाइल बा । उहाँहुक्रे मध्ये १४ महिला ओ २३ पुरुष रहल बा । ४ जाने भर एक वर्षटरेक् लर्का रहल सूचना अधिकारी श्रेष्ठ बटैलै ।

अस्टेक, कञ्चनपुरके भीमदत्त नगरपालिकाके ४ पुरुष ओ १ महिला कैके ५ जाने, बेलौरी नगरपालिकाके २ पुरुष ओ १ महिला कैके ३ जानेमे समेत कोरोना पुष्टि हुइल उहाँ बटैलै ।

सूचना अधिकारी श्रेष्ठके अनुसार कैलालीके भजनी नगरपालिकाके ३ पुरुष ओ २ महिला कैके ५ जाने, बर्दगोरिया गाउँपालिकाके २ पुरुष ओ १ महिला कैके ३ जहनमे कोरोना पुष्टि हुइल बा ।

डडेल्धुराके परशुराम नगरपालिकाके ४ पुरुषमे फेन कोरोना पुष्टि हुइल सूचना अधिकारी श्रेष्ठ बटैलै । यीसंगे सुदूरपश्चिममे संक्रमितके संख्या ४ हजार ४ सय १ पुगल बा । संक्रमण पुष्टि हुइल २ हजार ८ सय ७३ जाने डिस्चार्ज हुसेकल बाटै कलेसे ९ जहनके मृत्यु हुइल बा ।

  • 9
    Shares

जनाअवजको टिप्पणीहरू