थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४३, शुक्कर ]
[ वि.सं ३० श्रावण २०७७, शुक्रबार ]
[ 14 Aug 2020, Friday ]

बाढ प्रभावित क्षेत्रमे सबसे पहिले राहत लेके पुगल थरुहट मोर्चा

पहुरा | १६ श्रावण २०७७, शुक्रबार
  • 1.1K
  •  
  •  
  •  
  •  
  •  
  •  
  •  
    1.1K
    Shares
बाढ प्रभावित क्षेत्रमे सबसे पहिले राहत लेके पुगल थरुहट मोर्चा

धनगढी, १६ सावन । थरुहट÷थारुवान राष्ट्रिय मोर्चा कैलालीके बाढ प्रभावित क्षेत्रमे राहत वितरण कर्ले बा ।

मोर्चाके केन्द्रीय संयोजक लक्ष्मण थारुके नेतृत्वमे जिल्ला संयोजक माधव थारु, मोर्चाके सल्लाहकार तथा नागरिक समाजके अगुवा फोनीराम चौधरी, सुनिता चौधरी लगायतके टोली डुबान क्षेत्रके अवलोकन संगे राहत वितरण करल हुइट ।

तीन/चार दिन आघेसे बरस सावनिय झरीसे आइल बाढपाछे भजनी नगरपालिका, जोशीपुर गाउँपालिका ओ टीकापुर नगरपालिकाके स्थानीय ढेर प्रभावित हुइल बाटै । शुकके रोजसम आंशिक डुवान कायमे रहल बा ।

डुवान क्षेत्रके अधिकांश बाढ पीडित स्थानीयहुक्रे ३६ घण्टाटक चाउचाउ ओ विस्कृट केल खाके बैठल अवस्था भेटाइल उहाँहुक्रे बटैले बटै । प्रभावित क्षेत्रके स्थानीय दुई दिनसमफे कुछ खाना नैपाइलपाछे ओइनके भोक मेटाइक लाग राहत सहयोग करल संयोजक थारु बटैलै ।

लग्टारे परल पानीसे आइल बाढसे ६ हजारसे ढेर घर डुवानमे परल बा कलेसे २ हजार परिवार विस्थापित होुके रोड ओ विद्यालयमे बास बैठना अवस्था आइल बा ।

विपद्के बेला जौन फे राहत एकद्धार प्रणालीसे वितरण होए कहिके मोर्चासे उ राहात नेपाल रेडक्रस सोसाईटी जोशीपुर शाखाहे हस्तान्तरण कर्ले बा । नेपाल रेडक्रस सोसाईटी जोशीपुर शाखाके अध्यक्ष बिना चौधरी ३६ घण्टाभिटर राहत लेके अउइया थरुहट मोर्चा पहिल रहल बटैली । उहाँ यी राहत ढेर प्रभावितहे बँटना जानकारी डेली ।

कुछ टे आफन्तके घरमे जाके फे खाना खैलै, मने कुछ असिन व्यक्तिफे बटै जे ३६ घण्टा पुगसेक्लेसेफे खैनाचिज जोहो करे नाइसेकल हुइट । टबमारे तत्काल ओसिन व्यक्तिनहे सहयोग कैना अध्यक्ष चौधरी बटैली । उहाँ कहली ‘हम्रे फे तथ्याङक संकलन करटी बाटी, तथ्याङक संकलनपाछे बल्ल राहत पुगी, जौनबेलासम एकदम ढिला हुसेकठ ।’ टबमारे सरकार यैसिन बेला तयारीपुर्वक बैठे पर्ना चौधरी बटैठी ।

  • 1.1K
    Shares

जनाअवजको टिप्पणीहरू