थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४३, शुक्कर ]
[ वि.सं ३० श्रावण २०७७, शुक्रबार ]
[ 14 Aug 2020, Friday ]

कानुनमन्त्री शाहसे जोशीपुर ओ भजनीके कटान तथा डुवान क्षेत्र अनुगमन

पहुरा | १७ श्रावण २०७७, शनिबार
  • 102
  •  
  •  
  •  
  •  
  •  
  •  
  •  
    102
    Shares
कानुनमन्त्री शाहसे जोशीपुर ओ भजनीके कटान तथा डुवान क्षेत्र अनुगमन

सुधराम दहित
जोशीपुर, १७ सावन ।
सुदूूरपश्चिम प्रदेशके आन्तरिक मामिला तथा कानुन मन्त्री प्रकाश बहादुर शाहके टोलीसे जोशीपुर गाउँपालिका डुवान तथा कटान क्षेत्रके अनुगमन करले बा ।

ओस्टके टोलीसे भजनी नगरपालिकाके डुवान तथा कटान क्षेत्रके फेन अनुगमन तथा अवलोकन करल हो । टोलीसे जोशीपुर गाउँपालिका वडा नं. ३ स्थित फाँडिया, भितरिया, लक्कड लगायत भजनी नगरपालिकाके महादेउली, मोहनपुर, काँढा, गोरचौरा, ढुसी लगायत ठाउँके अनुगमन तथा अवलोकन करल जनाइल बा ।

कटान तथा डुवानके समस्याहे दिर्घकालिन समाधानके लाग प्रदेश सभा सदस्य कृष्ण बहादुर चौधरीके पहलमे आन्तरिक मामिला तथा कानुन मन्त्री लगायत, प्रमुख जिल्ला अधिकारी यज्ञराज बोहरा, सुरक्षाकर्मी, वडा अध्यक्ष किशोर कुमार कठरिया ओ स्थानिय लगायत अनुगमन तथा अवलोकन करल रहिट ।

अनुगमनके क्रममे कानुनमन्त्री शाह पहाडमे बाढ पहिरोसे तराईमे डुवान ओ कटान हुइना समस्यासे सुदुरपश्चिम प्रदेशबावी भोग्टी आइल बटैलै । डुबान तथा कटान समस्याके दिर्घकालिन समाधान खोजक लाग अनुगन तथा अवलोकन करे आइल मन्त्री शाह बटैलै । अनुगमनसे यी ठाउँके वास्तविक बस्तुस्थितिके बारेम जानकारी हुइनाके साथे यहाँके जनताहुक्रनके वास्तविक समस्या बुझके दिर्घकालिन समाधान खोज्न बटैलै ।

मन्त्री शाह छोट बजेटसे समस्या समाधान नाइ हुइना बटैटी ओकर लाग संघ तथा प्रदेशके बजेट आवश्यक रहल बटैलै । कानुनमन्त्री शाहसे प्रमुख जिल्ला अधिकारी, प्रदेश सभा सदस्य, वडा अध्यक्ष, सुरक्षाकर्मी लगायतके टोली अनुगमन करल ओरसे समस्याके सामाधान फेन अवश्य हुइना बटैलै ।

जोशीपुर बजारके पश्चिममे रहल काँढा लडियामे आइल बाढसे तट्बन्ध फुटाके जोशीपुर गाउँपालिका वडा नं. ३ स्थित फाँडिया, भितरिया, लक्कड लगायत भजनी नगरपालिकाके महादेउली, मोहनपुर, काँढा, गोरचौरा, ढुसी लगायत टमान ठाउँहे प्रभावित पर्ले बा ।

ओस्टके बाढसे घर, पशुचौपाया, धनजनके ढिउर मात्रामे क्षति करले बा । बाढमे परके भजनी नगरपालिका–८ काँढाढिकके ४० वर्षीय इश्वर शाह, ३३ वर्षीय चक्र बिक, जनकपुर गाउँका ११ वर्षीय बालक एजिकल चौधरी ज्यान गुमैले बाटै ।

यिहे बीच, बाढसे टमान ठाउँमे हुलाकी राजमार्ग भत्कैले बा । बाढसे सडक भत्काइल कारण आवतजावतमे समस्या रहल बा ।

  • 102
    Shares

जनाअवजको टिप्पणीहरू