लागु औषध कारोबारमे संलग्न पक्राउ

पहुरा समाचारदाता
धनगढी, २४ फागुन । लागु औषध कारोवारमे संलग्ना दुई जाने पक्राउ परल बाटै ।
पक्राउ परलमे कैलाली धनगढी उप–महानगरपालिका वडा नम्बर ७ के बर्ष २२ के संजिव राना रहल बाटै ।
यिहे फागुन २२ गते साँझके समयमे वडा प्रहरी कार्यालय धनगढीसे प्रहरी निरीक्षक हेम राज भट्टके कमाण्डमे खटल प्रहरी टोली संकास्पद रुपमे नेंग्टी रहल अवस्थामे संजिवहे चेकजाँच करेबेर घालल पाईन्टके
खल्तीमे नुकाके धारल ६० टयाब्लेट नाईट्रोभेट बरामद परल जिल्ला प्रहरी कार्यालय कैलाली जनैले बा । ओस्टेक लागु औषध ब्राउन सुगर सहित १ जाने पक्राउ बाटै ।
पक्राउ परलमे धनगढी उप–महानगरपालिका वडा नम्बर १ के २६ बरसके निमेश थापा रहल बाटै । यिहे फागुन २२ गते साँझ ७ बजे जिल्ला कैलाली धनगढी उप–महानगरपालिका वडा नम्बर १ वनदेवी मन्दिर नजिक कृषी हाटबजार भिटर लागु औषध ब्राउन सुगरके कारोबार हुइटी रहल कना सुचनाके आधारमे वडा प्रहरी कार्यालय धनगढीसे प्रहरी निरीक्षक हेमराज भट्टके कमाण्डमे खटल प्रहरी टोली चेक जाँच करेबेर ११ पुडिया तौल रहल १ ग्राम १२० मिलिग्राम ब्राउन सुगर बरामद करल रहे । पक्राउ परल रानाहे कैलाली जिल्ला अदालतसे ५ दिन म्यादथप करके थप अनुसन्धान हुइटी रहल प्रहरी जनैले बा ।