थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

कोरोनाके त्रास : श्रमिक महिला दिवसके घोषित कार्यक्रम स्थगित

पहुरा समाचारदाता | २५ फाल्गुन २०७६, आईतवार
कोरोनाके त्रास : श्रमिक महिला दिवसके घोषित कार्यक्रम स्थगित

पहुरा समाचारदाता
धनगढी, २५ फागुन । विश्वव्यापी रुपमे फैलल कोरोना भाईरसके त्रास ओ यिहीसे हुई सेक्ना क्षतिहे मध्यनजर करके विश्वव्यापी रुपमे मनाई लागल श्रमिक महिला दिवसके घोषित कार्यक्रम स्थगित बा ।
‘महिला रोक्लेसे संसार रोकी’ कना मूल नाराके साथ संसारभरके महिलावादी एवं सहयोगी संघसस्थासे विश्वव्यापी रुपमे मनैना घोषित महिला हडताल कार्यक्रम स्थगित करल महिला मानव अधिकार रक्षक संजालके जिल्ला अध्यक्ष निर्मला बागचन्द बटैली ।
‘श्रमिक महिला दिवसके अवसरमे महिलाहुक्रे एक्के ठाउँमे जमा हुके महिला हडताल कार्यक्रम कैना एक महिना आघे घोषित रहे, उहाँ कहली– ‘कोरोना भाईरसके त्रास, यिहीसे हुई सेक्ना क्षतिहे मध्यनजर कैटी सरकारसे कौनो प्रकारके भीड तथा जमघट नइकैना आह्वानके कदर करटी जुलुस प्रदर्शन नइकैना निर्णय करली ।’ उहाँ कहली, ‘श्रमिक महिला दिवसके अवसरमे आज धनगढीके ट्राफिक चौकसे निकरना ¥यालीहे स्थगित करले बाटी ।
महिलाहुकनके भारी भेला नइकरके ८/१० जानेक समूह बनाके धनगढीके टमान चोकमे दिनके ११ बजे एक घण्टा ठरहयाके ऐक्यवद्धता जनैटी कोरोना रोक्ना सम्बन्धी पर्चा पम्पलेट वितरण कैना निर्णय करल सञ्जालके सचिव वसन्ती चौधरी जानकारी डेली । उहाँ डगरमे यात्रा कैना यात्रुहुकनसंग नइबोके महिला रोक्लेसे संसार रोकी कना पम्पलेट ओ कोरोना भाईरससे बाँच्न उपाईबारे बनाइल पर्चा बाँटके श्रमिक महिला दिवस मनैना निर्णय करल बटैली । ऐक्यवद्धता जनैना प्रत्येक व्यक्ति ‘महिला रोक्लेसे संसार रोकी’ लिखल टि–सर्ट घालके प्ले कार्ड बोक्ही । साथे स्वास्थ्यहे मध्येनजर करके सक्कु जाने मास्क अनिवार्य रुपमे लगैना अनुरोधफे करल बा ।

जनाअवजको टिप्पणीहरू