गौरीगंगा स्वास्थ्य महोत्सव निम्जल

पहुरा समाचारदाता
चौमाला, २५ फागुन । गौरीगंगा स्वास्थ्य महोत्सव २०७६ शनिच्चरके रोज एक सम्पन्न हुइल बा । महोत्सवमे ५२२० जाने महिला ओ १९२४ जाने पुरुष करके ७ हजार १ सय ४४ जानेक स्वास्थ्य चेकजाँच करल बा ।
थारु समुदायमे डेखल सिकलसेल एनिमिया रोगके ४०३ जानेक परिक्षण करलमे ४८ जानेमे सिकलसेल हुइल पाइल कहटी थप परिक्षणके कार्यक्रम कैना स्वास्थ्य शाखाके ईश्वरीप्रसाद भुषाल जानकारी डेलै ।
उहे अवसरमे रेडक्रस उपशाखा चौमालाके समन्वयमे हुइल रक्तदान कार्यक्रममे नगर उप–प्रमुख अंचला चौधरी, वडा नं ५ के अध्यक्ष जंगबहादुर विक ओ वडा नं १० के अध्यक्ष पदमबहादुर ऐर लगायत २२ जाने रक्तदान करले रहिट । महोत्सव नगर प्रमुख भीमबहादुर देउवाके सभापतित्वमे समापन हुइल रहे । ओस्टेक महोत्सवके समीक्षा सहितके विवरण २६ गते सर्वपक्षीय भेला करके सार्वजनिक कैना जनाइल बा । महोत्सव सम्पन्न करेक लाग सहयोग करके महत्वपूर्ण भुमिका निर्वाह करुइया व्यक्ति तथा संघ संस्थाहे समापनके अवसरमे सम्मानित समेत करल रहे ।