थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

रेडक्रस कैलाली स्वर्णीम वर्षमे प्रवेश

पहुरा समाचारदाता | २६ फाल्गुन २०७६, सोमबार
रेडक्रस कैलाली स्वर्णीम वर्षमे प्रवेश

पहुरा समाचारदाता
धनगढी, २६ फागुन । नेपाल रेडक्रस सोसाइटी कैलाली शाखा स्थापनाके स्वर्णीम ५० वर्षमे प्रवेश करले बा ।
स्वर्णीम बरसमे प्रवेश करल उपलक्ष्यमे अँटवारके धनगढीमे पत्रकार सम्मेलनके आयोजना करके बरस भर टमान कार्यक्रम कैना नेपाल रेडक्रस सोसाइटी कैलालीके सभापति उत्तम जोशी बटैलै ।
कैलाली शाखा वि.स २०२७ साल फागुन २६ गते स्थापना हुइल उहाँ जनैलै । अब्बे कैलालीमे २४ ठो उपशाखा ओ २११ ठो जुनियर रेडक्रस सर्कल क्रियाशिल रहल सभापति जोशी जनैलै । उहे अवसरमे आज जिल्ला भर टमान गतिविधिके साथे शाखा परिसरभिटर रेडक्रस जन्मदाता ज हेनरी डयुनाके अद्र्धकदके तस्बीर अंकित स्तम्भके शिलान्यास कैना कार्यक्रम रहल उहाँ जनैलै । नेपाल रेडक्रस सोसाइटी कैलाली शाखाके मन्त्री लोकराज जोशी वार्षिक कार्यक्रमबारे जानकारी डेहल रहिट ।
बार्षिक कार्यक्रम अन्र्तगत जिल्ला तथा स्थानीय स्तरके सरोकारवाला हुकनसंग समन्वयत्मक बैठक, रेडक्रस सम्बन्धी अभिमुखीकरण कार्यक्रम, वृक्षरोपण, अ तिरिक्त क्रियाकलाप, राहत वितरण, स्वास्थ्य शिविर संचालन, सरसफाई कार्यक्रम, टमान दिवस गोष्ठीके आयोजना, व्यक्ति एवं संघसंस्थाहुकनहे सम्मान, स्मारिक प्रकाशन कैना कार्यक्रम रहल उहाँ
जनैलै ।
ओस्टेक उहे अवसरमे रक्तदान कार्यक्रम कैना, समसामयिक सवालके बारेमे जनचेतना अभिवृद्धि कार्यक्रम, विपद पूर्व तयारी बैठकके आयोजना, प्रादेशिक रक्तसंचार केन्द्रके संचालन तथा व्यवस्थापन कैना कार्यक्रम रहल मन्त्री जोशी बटैलै । विश्वभर फैल्टी रहल नोबल कोरोना भाइरसके बारेमे जिल्ला शाखासे जनचेतनामुलक गतिविधि संचालन करटी आइल उहाँ बटैलै । खास करके विपद व्यवस्थापन, स्वास्थ्य सुरक्षाके क्षेत्रमे सरकारके निकटम सहयोगीके रुपमे स्थापित यी संस्थामे कैलाली जिल्ला भर जुनियर यूवा सहिट करिव ३० हजारसे ढेर स्वयसेवक आवद्ध रहल बाटै ।

जनाअवजको टिप्पणीहरू