थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

महिमा ओ खडकके कबु दिन कबु रातमे रोमान्स

पहुरा समाचारदाता | २९ फाल्गुन २०७६, बिहीबार
महिमा ओ खडकके कबु दिन कबु रातमे रोमान्स

पहुरा समाचारदाता
धनगढी, २९ फागुन । मोडल महिमा कुश्मी ‘कबु दिन कबु रात…’ थारु म्युजिक भिडियो मार्फत कमब्याक हुइल बाटी ।
टमान थारु म्युजिक मार्फत दर्शक माझ आपन छुट्टे पहिचान बनासेकल मोडल कुश्मी ‘कबु दिन कबु रात…’ मार्फत पुनः म्युजिक भिडियोमे फर्कल हुइटी । कुछ समय सामाजिक सञ्जालमे ढिउर क्रियाशिल रहल मोडल कुश्मी पुनः लौव लौव म्युजिक भिडियो मार्फत मोडलि·मे ओर आइल हुइटी ।
मोडल कुश्मी सामाजिक सञ्जालमे बहुट क्रियाशिल रहल बाटी । उहाँ सामाजिक सञ्जाल फेसबुक, यूट्युुब, टीकटक मार्फत ढिउर फ्लोअर्स कमासेकल बाटी । सम्भवतः थारु मोडल मध्ये सामाजिक सञ्जालमे ओहकान फ्लोअर्स ढिउर रहल बाटै ।
ओहकान म्युजिक भिडियो ‘निदाइल रबो टे लैजिम जगाके’, ‘चुरिया पायल कंगना· लगायत चर्चित रहल बा ।
लौव म्युजिक भिडियो ‘कबु दिन कबु रात…’ मे मोडल कुश्मीहे खडक चौधरी साथ डेले बाटै । शब्द लखन चौधरी ओ संगीत गणेश चौधरीके रहल गीतमे
गणेश चौधरी ओ समीक्षा चौधरीके स्वर रहल बा । मुकुन्द जिसी प्रोड्यूसर रहल म्युजिक भिडियो सुधराम दहित डाइरेक्सन करले बाटै । क्यामेरामे महेश कुमार ओ मनोज कुमार रहल बाटै कलेसे एडिट महेश कुमार करले बाटै । म्युुजिक भिडियो मुकुन्द जिसीके युट्यूब च्यानलसे सार्वजनिक हुइल बा ।

जनाअवजको टिप्पणीहरू