थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

शिव मन्दिरके शिलान्यास

पहुरा समाचारदाता | १ चैत्र २०७६, शनिबार
शिव मन्दिरके शिलान्यास

स्मिता कुश्मी
जोशीपुर, १ चैत । कैलालीके जोशीपुुर गाउँपालिका वडा नम्बर २ मुद्धिमे शुकके रोज शिव मन्दिरके शिलान्याय कैगिल बा ।
उ मन्दिरके शिलान्यास गाउँपालिका उपाध्यक्ष गीता कठरिया एक कार्यक्रमके विच कैगिल हो । मन्दिरके जग बनाइक लाग गाउँपालिकासे छुत्याइल दुई लाख बजेट ओ जनश्रमदान ४८ हजार १ सय ५२ रुप्या कैजैटी बा ।
मन्दिरके जग बनाइकल २०७६ पुस १६ गते सम्झौता हुके चैत १५ गतेसम बनासेक्ना कहल बा । मन्दिरके शिलान्यास करटी गाउँपालिका उपाध्यक्ष कहली मन्दिर कहलक सक्कु जनेक साझा सम्पति हो, यकर निर्माणके लाग सक्कु सहयोग कैना आवश्यक बा ।
मन्दिर निर्माण उपभोक्ता समितिके अध्यक्ष पतिराम कुश्मी कहलै, गाउँपालिकाके सहयोगमे अब्बे जग डरनासम काम हुइटी बा, स्थानीय सरकारसे यकर बाँकी निर्माण खर्च लाग सहयोग कैही कना आपेक्ष करले बाटी । उहाँ कहलै, बनाके सेक्के चन्द उठाकेफे मन्दिर निर्माणके काम जारी राखब ।
समितिके कोषाध्यक्ष इस्मिता कुश्मी कहली ऐलानीप्रति जग्गा गाउँ भरिक मनै खेन्हवाके रुपमे प्रयोग करटी आइल रहिट, उ जग्गा सुकुम्बासीहुक्रे कब्जा करेलागल पाछे महिला ओ क्लवके सक्रियतामे श्री जनप्रकाश माविहे प्रयोगके लाग डेगिल उहाँ कहली । अब्बे गाउँ भरिक किसानहुकनके निर्णयसे मन्दिरके लाग कहटी पाँच कटठा जग्गा छुटयाके शिव मन्दिर निर्माणके काम आघे बह्रल बा ।
मन्दिर निर्माण उपभोक्ता समितिके अध्यक्ष पतिराम कुश्मीके अध्यक्षतामे हुइल मन्दिर शिलान्याय कार्यक्रमममे जोशीपुर गाउँपालिका वडा नम्बर २ के वडा सदस्य मिना चौधरी, रुक्मणी महतों विक, फागुराम चौधरी दास, पण्डित कृष्णराज जोशी, गाउँक भल्मन्सा, गाउँबासी, मन्दिर निर्माण उपभोक्ता समितिके पदाधिकारी, भक्तजनलगायत करिब २ सय जानेक सहभागिता रहे ।
कार्यक्रममे संचालन सचिव मिना कुमारी चौधरी करले रहिट ।

जनाअवजको टिप्पणीहरू