लकडाउन खुकुलो ओ खुल्ला बनैना सरकारके तयारी

काठमाडौं, २१ बैशाख । लकडाउन (बन्दाबन्दी)हे खुकुलो ओ खुल्ला कैना उद्देश्यसहित सरकार कोभिड–१९ बहिर्गमन रणनीति तयार परले बा । कोभिड–१९ के सम्भावित महामारी कम कैना ४० दिनसे जारी लकडाउनसे सर्वसाधारणके जनजीवन अस्तव्यस्त हुइल ओ मुलुकके आर्थिक अवस्थासमेत कमजोर हुइटी गैल विश्लेषण करटी सरकारसे उ कार्ययोजना तयार पारल हो ।
प्रधानमन्त्री तथा मन्त्रिपरिषद् कार्यालयसे तयार पारल उ रणनीतिमे उल्लिखित कार्ययोजनामे सिंगो देशहे तीन क्षेत्रमे विभाजन कैके उहे अनुसार लकडाउनहे खुकुलो बनैना तयारी करल हो ।
रेड, एलो ओ ग्रिन जोन बनाके व्यवस्थापन करजैना
जसअनुसार आब स्वास्थ्यसम्बन्धी तथ्यांक ओ वैज्ञानिक विश्लेषणके आधारमे देशके टमान भागहे हरियर क्षेत्र (ग्रिन जोन), हडियार क्षेत्र (एलो जोन) ओ रातो क्षेत्र (रेड जोन) मे विभाजन करजैना बा । ओइसीक विभाजन करलपाछे संक्रमण नियन्त्रणमे रहल क्षेत्रहे ग्रिन जोनमे राखजैना बा । ग्रिन जोनमे पर्ना जिल्ला तथा क्षेत्रमे लकडाउन हटाके सक्कु क्रियाकलाप खुला राखजैना प्रधानमन्त्री तथा मन्त्रिपरिषद् कार्यालय स्रोत जानकारी डेले बा ।
ओस्टके, संक्रमण नियन्त्रण उन्मुख रहल जिल्ला तथा क्षेत्रहे एल्लो जोनमे राखजैना ओ उ क्षेत्रमे मुख्य क्रियाकलाप कित्र खुला राखजैना बा । संक्रमण नियन्त्रण बाहर रहल क्षेत्रमे भर लकडाउन जारी राखजैना ओ कृषिबाहेक अन्य सक्क क्रियाकलाप बन्द करजैना बा ।
लम्मा समयसम लकडाउन जारी राखजैना रेड क्षेत्रमे अत्यावश्यक खाद्यान्न आपूर्ति कैना तथा राहत आवश्यक पर्ना परिवारके लाग राहत डेना व्यवस्था सरकारसे मिलैना मेरके कार्ययोजना बनाइल बा ।
लगातारके लकडाउनसे बाहरसे आके राज्यके सेवा तथा कार्यहे साविकके अवस्थामे फर्कैना उद्देश्यसहित कार्ययोजना बनाइल प्रधानमन्त्री कार्यालय जनैले बा । लकडाउन २५ वैशाखसम जारी बा । ओकरपाछे यिहीहे जारी राख्न वा खुकलो बनाके जोनअनुसार व्यवस्थापन कैना कनाबारे छलफल जारी रहल प्रधानमन्त्री कार्यालयके अधिकारी जनैले बाटै ।
प्रधानमन्त्री कार्यालयके अनुसार लकडाउनहे खुकुलो बनैना आघे विश्व स्वास्थ्य संगठनके निर्दे्शिकामे रहल टमान ६ ठो सर्तहे ध्यान डेजैना बा । उ सर्तअनुसार लकडाउनहे खुकुलो बनैना संक्रमण विस्तार हुइना क्रम नियन्त्रणमे आइल हुइ पर्ना बा कलेसे स्वास्थ्य प्रणालीसे सक्कु केसके पहिचान कैना, जाँच कैना, आइसोलेसनमे राख्न, उपचार कैना ओ सक्कु जनहनके कन्ट्याक्ट ट्रेसिङ् कैना सक्षम हुइल हुइ पर्ना बा ।
ओस्टके, अस्पताल जैसिन संवेदनशील ठाउँहे ‘हट स्पट’ घोषणा कैके जोखिम न्यूनीकरण हुइल हुइ पर्ना बा कलेसे विद्यालय, कार्यस्थललगायतके अन्य आवश्यक ठाउँमे पर्याप्त स्वास्थ्य सजगता अपनाइल हुइ पर्ना बा ।
ओस्टके, लकडाउनहे खुकुलो पर्नासे आघे लौव केसके कारण आइ सेक्ना जोखिम व्यवस्थापन कैना सक्षम हुइल हुइ पर्ना बा कलेसे कोभिड–१९ पाछेक लौव परिस्थितिसे व्यवहार कैना समुदाय पूर्णरूपमे जानकार ओ सक्षम हुइल हुइ पर्र्ना प्रधानमन्त्री तथा मन्त्रिपरिषद् कार्यालय जनैले बा । यकर सम्बन्धमे प्रधानमन्त्री कार्यालयसे सरकारके टमान सरोकारवाला निकायसे समन्वय कैके अध्ययन जारी रख्टी आइल बा ।
प्रधानमन्त्री कार्यालयसे तयार पारल कार्ययोजनामे बन्दाबन्दी नाइ कैना वा आंशिक बन्दाबन्दी करेबर ट्रेसिङके लाग भरपर्दो ओ उन्नत व्यवस्था, संक्रमणके दाँजोमे प्रभावकारी तथा मजा परीक्षण सरकारी नीति नियमके व्यवसायी तथा सर्वसाधारणसे अनुशासन पालना करे पर्ना उल्लेख बा ।
पूर्ण तथा आंशिक बन्दाबन्दी खोलल् अवस्थामे नेपालमे कोरोना नियन्त्रणके लाग बन्ना रोकथाम ओ नियन्त्रणके विषय क्षेत्रगत प्रोटोकलके व्यक्ति, कर्मचारी वा व्यवसायीसे अनुपालना करैना सक्षम संयन्त्र ओ तीन तहके सरकार तथा समुदायस्तरसे सचेतना अभिवृद्धि कर् पर्र्ना आवश्यकता कार्ययोजनामे औंल्याइल बा ।
कार्ययोजनामे सरकारसे करे पर्र्ना अन्य महŒवपूर्ण कार्य उल्लेख करल बा । जौन अनुसार सरकार मातहतके अस्पताल ओ प्रदेश सरकारके अस्पताल कैके सात प्रदेशके १४ ठो प्रयोगशालासे कोरोना परीक्षण सुरु हुइलेसे फेन यकर प्रतिदिनके क्षमता ३ हजार पुगाइ पर्र्ना, जोखिमके आधारमे परीक्षण केन्द्र तथा स्वाब संकलन केन्द्र स्थानीय तहमे थप करे पर्ना रहल बा ।
ओस्टके, सम्भाव्य जोखिमके आँकलनके आधारमे सक्कु प्रकृतिके स्वास्थ्यकर्मी तथा सक्कु मेरके स्वास्थ्य सामग्रीके बन्दोवस्त दुरुस्त हुइल हुइ पर्नामे जोड डेहल बा ।
ओस्टके, सरकारसे करे पर्ना अन्य कार्यमे अन्तर्रा्ष्ट्रिय तथा क्षेत्रीय रोगके विस्तारसे अनुभव लेके आवश्यक संख्याके क्वारेन्टाइन ओ डेडिकेटेट कोभिड अस्पतालके व्यवस्था कैना तथा स्थानीय तहसे तयार हुइल क्वारेन्टाइन स्थलहे राष्ट्रिय मापदण्डअनुरूप स्तरोन्नति करे पर्ना ओ यकर व्यवस्थापनमे सुधार करे पर्ना रहल बावै ।
ओस्टके स्थानीय सरकारसे राहत वितरण तथा कोरोना परीक्षणमे सहजीकरण कैना साधन स्रोत तथा अधिकारके स्पष्ट व्यवस्था हुइल प्रणालीके विकास करे पर्ना बा ।

कार्ययोजनामे डेहल अन्य सुझावमा बन्दाबन्दी खोलेबर अक्केचो नाइ खोलके दीर्घकालसम बहुआयामिक प्रभाव डेखैना क्षेत्र पहिले खोल्ना ओ स्थिति नियन्त्रणमे अइटी गैलमे अन्य सेवाप्रवाह फेन क्रमशः खोल्टी जैना नीति लेना उपयुक्त रहना जनाइल बा । ओस्टके, बन्दाबन्दी खुला करेबर सबसे पहिले उत्पादन ओ रोजगारके क्षेत्रहे प्राथमिकतामे राखजैना बा ।