थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २८ सावन २६४६, शनिच्चर ]
[ वि.सं २८ श्रावण २०७९, शनिबार ]
[ 13 Aug 2022, Saturday ]

नवजीवन सेवा संघसे कैलारी गाउँपालिकाहे राहत सामग्री हस्तान्तरण

पहुरा समाचारदाता | २१ बैशाख २०७७, आईतवार
नवजीवन सेवा संघसे कैलारी गाउँपालिकाहे राहत सामग्री हस्तान्तरण

हसुलिया, २१ वैशाख । नवजीवन सेवा संघ धनगढीसे कैलारी गाउँपालिकाहे ढिउर परिमाणमे राहत सामग्री हस्तान्तरण करले बा ।
लकडाउनके कारण काम करे नाइ पाके समस्यामे परल विपन्न परिवारहे राहत वितरणके लाग खाद्यान्न लगायतके सामग्री हस्तान्तरण करल हो । संघके सचिव जितेन्द्र श्रेष्ठ गाउँपालिकाके अध्यक्ष लाजुराम चौधरीहे आज राहत सामग्री हस्तान्तरण करल गाउँपालिकाके कर्मचारी रविन्द्र चौधरीले जानकारी डेलै ।
संघसे ४०० घरधुरीके लाग १२० क्वीन्टल चाउर, १२ क्वीन्टल दाल, खाने तेल ८०० लिटर, नून ओ चिनी आठ÷आठ सय किलोग्राम ओ एक हजार ६०० थान साबुन सहयोग करले बा । राहत सामग्री हस्तान्तरण अवसरमे गाउँपालिकाके स्वास्थ्य संयोजक विरेन्द्र सापकोटा, गाउँपालिकाके प्रवक्ता कमलप्रसाद चौधरी, नवजीवन सेवा संघके संयोजक टेकेन्द्र ठकुल्ला, कर्मचारी प्रवीण श्रेष्ठके उपस्थिति रहल रहे ।

जनाअवजको टिप्पणीहरू