लकडाउन जेठ १० सम बह्रैना तयारी
काठमाडौँ,२२ बैशाख । कोरोना भाइरस संक्रमणके जोखिम उच्च रहल कहटी सरकार फेनसे १५ दिन लकडाउन (बन्दाबन्दी) थप्न तयारी करले बा ।
मन्त्रिपरिषद्के अँट्वारके बैठकमे पाछेक समय नेपालमे कोरोना संंक्रमित बह्रटी गैल ओ छिमेकी मुलुक भारतमे फेन संक्रमण दर बह्रटी रहल ओरसे जोखिम कायमे रहल ओरसे लकडाउन थप १५ दिन बह्राइ पर्ना विषयमे छलफल हुइल रहे ।
भारत लकडाउनहे निरन्तरता डेटी रहल बेला बेला खुला सिमाना रहल नेपालमे लकडाउन हटैलेसे स्थिति जुनसुके बेला फेन भयावह हुइ सेक्ना कहटी जेठ १० गतेसम बहैैना सहमति हुइल स्रोत बटैले बा ।
कुछ मन्त्री कोरोना प्रभावित क्षेत्र वर्गीकरण कैके उहे आधारमे लकडाउन खुकुलो करे पर्ना धारणा राखल रहिट ।
नेपालगन्जमे संक्रमितके संख्या अचानक बह्रलपाछे सरकार थप सतर्क अवस्थामे पुगल बा । नेपालमे अँट्वारसम ७५ जने संक्रमित हुइल बाटै । जेम्ने १६ जने उपचारपाछे घर गैलबाटै ।
