भूमि ओ नागरिक बचाउ कहटी विरोध प्रर्दशन

धनगढी, २७ बैशाख । भारतसे अतिक्रमित नेपाली भूमिमे तिब्बतके मानसरोवर जैना डगर खोलल ओ अप्ने नागरिक भारतमे भोकप्यास मरे लागल कहटी शनिच्चरके रोज धनगढीमे बिरोध प्रदर्शन हुइल बा ।
नेपाल काँग्रेस संसदीय दल सुदूरपश्चिम प्रदेश मुख्यमन्त्री कार्यालय आघे बिरोध प्रदर्शन करल हो । बिरोध प्रदर्शनके क्रममे नेपाली काँग्रेस संसदीय दलके नेता डा. रण बहादुर रावल नेपाली भूमि अतिक्रमण कर्ना बन्द करेक पर्ना ओ भारतसे मिचल नेपाली भूभाग फिर्ताके लाग पहल करेक लाग सरकारसे माग कर्ले बा । नेता रावल भारतमे अलपत्र परल नेपालीहुकन यथाशिघ्र उद्दार करेक पर्ना फेन सरकारसंग आग्रह कर्लै ।