थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]
‘ राहतके नाउमे आँखीमे ढुर झोकल धनगढी उपमहानगरपालिका ’

२ करोड ६१ लाखके खाद्यान्न, राहतमे घुनाइल चाउर !

पहुरा | २९ बैशाख २०७७, सोमबार
२ करोड ६१ लाखके खाद्यान्न, राहतमे घुनाइल चाउर !

धनगढी, २९ वैशाख । धनगढी उपमहानगरपालिकासे राहातके लाग बाँटल चाउर घुनाइल ओ सरल निक्रल कहटी स्थानीयहुक्रे फिर्ता कर्ले बाटै ।

कोरोना भाइरस महामारी नियन्त्रण तथा रोकथामके लाग कहटी सरकारसे करल लकडाउनक कारण समस्यामे परल गरिब तथा विपन्न परिवारहुुकन राहतमे उपमहानगर चाउर वितरण करल रहे । स्थानीयहुक्रे उ चाउरके कट्टा खोललपाछे घुनाइल ओ सरल चाउर वितरण करल पाइल हो ।

सोम्मारके रोज धनगढी उपमहानगरपालिकाके वडा नम्बर–४ उत्तरबेहडीके शिवपुरी धाममे वितरण करल चाउर सरल करके ढेल्की परल हो । सरल चाउर वितरण करलपाछे स्थानीयहुक्रे विरोध करटी चाउर वडा कार्यालयमे फिर्ता करल रहिट ।

उपमहानगरके वडा नम्बर ४ के वडा अध्यक्ष दिपक थापा घुुुनाइल चाउर वितरण कर्नामे आपन कौनो गल्ति नैरहल बटैलै । ‘चामल वितरण करेबर एक दुई बोरा खोलके हेर्ली टे मजै रहे, सक्कु खोलके हेर्ना बाते नैरहल, अध्यक्ष थापा कहलै,‘यी हमार गल्ति नाई हो यकरबारे छलफल करब ।’
उपमहानगर अप्ने स्रोतसे २ करोड ६१ लाख रुपैयाँ लागतमे ठाकुर एग्रो इण्डिष्ट्रिजसे चाउर किन्न सम्झौता कर्ले बा ।

गरिब तथा विपन्न नागरिकहुकनके लाग कहटी उपमहानगर दोसर चरणके राहात वितरण करटी रहल बा । पहिल चरणमे प्रतिपरिवार २० किलो चामल वितरण करल रहे । कलेसे डोसर चरणमे प्रतिपरिवार १० किलो चाउर लगायत चिनी, तेल साबुन वितरण करल रहे ।

संंंकटके बेला उपमहानगर जनताहुकनके स्वास्थ्यउप्पर खेलवार करटी रहल कहटी स्थानीयहुक्रे आक्रोशित हुुुइल बाटै ।

जनाअवजको टिप्पणीहरू