बर्दियाक् लौन्डिक् मे कोरोना पुष्टी हुइलपाछे कैलालीके मजगाउँ सिल, २१ परिवारके १३० जहनके सम्पर्कमे

धनगढी, ३० बैसाख । बर्दियाके एक लौन्डिक्मे कोरोना भाइरस संक्रमण पुष्टी हुइलपाछे कैलालीके गोदावरी नगरपालिका ८ मजगाउँ सिल करगिल बा ।

कैलालीसे बर्दिया पुगल ११ बरसके लौन्डिक्मे कोरोना पुष्टि हुइलपाछे मजगाउँ सिल करगिल हो । उ लौन्डि चैत्र ५ गते आपन बुडिक् संग मजगाउँ आइल रही । उ लौन्डिक् सम्पर्कमे आइल सक्कु जहनके पीसीआर बिधिसे कोरोना परिक्षण करजिना हुइल हो ।

गोदावरी नगरपालिकाके प्रवक्ता शर्मानन्द भट्टके अनुसार उहाँके सम्पर्कमे आइल २१ परिवारके १ सय ३० जहनके पीसीआर बिधिसे कोरोना परिक्षण करजिना बा । ‘लौन्डिक् सम्पर्कमे रहलहुकनके स्वाब संकलनके तयारीमे बाटी’, प्रवक्ता शर्मा कहलै– ‘हाल उ क्षेत्रहे सिल करके सक्कुजहन घरभिट्टर बैठे लगैले बाटी ।’

नगरपलिकाके स्वास्थ्य शाखा प्रमुख वीर बहादुर कुवर सोम्मारके रोज कोरोना संक्रमण बिल्गाइलपाछे उ लौन्डि बैसाख १२ गते मजगाउँसे कैलालीके भजनी गैल रही । १६ गते बर्दिया गैलपाछे उहाँहे क्वारेन्टाईनमे राखिगिल रहे ।