थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

सुदूरपश्चिम सरकारसे कोरोना रोकथाम कोषसे ३२ करोडसे ढिउर खर्च

पहुरा | २ जेष्ठ २०७७, शुक्रबार
सुदूरपश्चिम सरकारसे कोरोना रोकथाम कोषसे ३२ करोडसे ढिउर खर्च

धनगढी, २ जेठ । सुदूरपश्चिम प्रदेश सरकार कोरोना रोकथाम कोषसे साढे ३२ करोडसे ढिउर रुप्या खर्च करसेक्ले बा । प्रदेश सरकारसो कोरोना भाइरस (कोभिड(१९) जोखिम नियन्त्ररण तथा व्यवस्थापन कोषसे ३२ करोड ५९ लाख २० हजार रुपैयाँ खर्च करल हो ।

प्रदेशके आन्तरिक मामिला तथा कानुन मन्त्रालयके अनुसार स्वास्थ्य सामग्री खेरिदसे लेके टमान स्थानीय तहमे राहत वितरणमे उ रकम खर्च कर्ले बा । सबसे ढिउर प्रदेश सरकारके सामाजिक विकास मन्त्रालय १५ करोड ७३ लाख हजार रुप्या खर्च कर्ले बा । सामाजिक मन्त्रालय २० ठो भेन्टिलेटर ओ ल्यावके सामग्री खरिद कर्नामे खर्च करल हो । प्रदेशके ८८ स्थानीय तहमे १५ करोड २६ लाख रुपैयाँ खर्च हुइल आन्तरिक मामिला तथा कानुन मन्त्रालयके सूचना अधिकारी लक्ष्मीप्रसाद जोशी जानकारी डेलै । प्रदेशके शान्ति सुरक्षा मजबुत बनाइक लाग ९ जिल्ला प्रशासन कार्यालय, प्रदेश प्रहरी कार्यालय, नेपाली सेना तथा सशस्त्र प्रहरी ओ राष्ट्रिय अनुसन्धान विभागहे आवश्यक रकम सहयोग करल मन्त्रालय जनैले बा ।

हालसम प्रदेश सरकारके रकम, दातृ निकायसे हुइल नगद ओ खाद्यान्न सहयोगसे आवश्यक सामग्री खरिद तथा स्थानीय तहहे नगद हस्तान्तरण करल आन्तरिक मामिला तथा कानुन मन्त्रालय जनैले बा ।

जनाअवजको टिप्पणीहरू