थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

कोरोना शंकास्पद चार बिरामी सेती प्रादेशिक अस्पताल भर्ना

पहुरा समाचारदाता | ४ जेष्ठ २०७७, आईतवार
कोरोना शंकास्पद चार बिरामी सेती प्रादेशिक अस्पताल भर्ना

धनगढी, ४ जेठ । कैलारी गाउँपालिकाके १ जने सहित कोरोना शंकास्पद चार बिमारी सेती प्रादेशिक अस्पतालमे भर्ना हुइल बाटै ।


उहाँहुक्रनहे कोरोनाके आंशकामे सेती प्रादेशिक अस्पतालके आईसोलेसनमे भर्ना करल हो । सेती प्रादेशिक अस्पतालके मेडिकल रेकर्डर दिलीप श्रेष्ठके अनुसार कैलारी गाउँपालिका– १ हसुलिया के २७ वर्षीया एक महिलाहे १०० दशमलव ७ डिग्री जुरी अइनाके साथे सास फेर्न अप्ठ्यारो हुइलपाछे अस्पताल भर्ना करल बा । उहाँ अपनहे अस्पताल आइल हुइटी । ओहकान भैया दुई महिना आघे देहरादुनसे आइल जनाइल बा ।


ओस्टके डेढ महिना आघे मलेशियासे आइल धनगढी उपमहानगरपालिका–५ के ३० वर्षीय एक पुरुष ओ ओहकान २९ वर्षीया गोसिनीया छाती ओ घाटी दुख्ना समस्या हुइलपाछे सेती प्रादेशिक अस्पतालके आईसोलेसनमे भर्ना करल श्रेष्ठ जानकारी डेलै । ओहकान गोसियाहे एक अँठ्वार आघे हेग्नी लागल रहे ।


ओस्टके बझाङ घर रहल हाल सशस्त्र प्रहरी बल बैद्यनाथ बाहिनी अत्तरियामे कार्यरत ३० वर्षीय सशस्त्र प्रहरी जवानहे कोरोनाके आशंकामे अस्पताल भर्ना करल बा । उहाँ एक जने ३० वर्षीय औरे व्यक्ति ओ सशस्त्र प्रहरी गेटामे कार्यरत एक जनहनहे कोरोना आशंकामे अस्पताल भर्ना करल हो । धनगढी उपमहानगरपालिका–१३ गेटास्थित नाटपाटनके घरमे आइल उहाँ कोरोनाके आशंकापाछे उपचारके लाग सेती प्रादेशिक अस्पताल पुगल रहिट ।

जनाअवजको टिप्पणीहरू