थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ सावन २६४८, बिफे ]
[ वि.सं ३ श्रावण २०८१, बिहीबार ]
[ 18 Jul 2024, Thursday ]
‘ कैलारी गाउँपालिकाके आर्थिक बरस २०७७/०७८ के नीति तथा कार्यक्रम ’

आर्थिक विकास ओ रोजगारी लक्षित नीति तथा कार्यक्रम लन्ना तयारी

पहुरा समाचारदाता | ८ असार २०७७, सोमबार


हसुलिया, ८ असार । कैलालीके कैलारी गाउँपालिका आर्थिक बरस २०७७/०७८ के लाग आर्थिक विकास ओ रोजगार लक्षित नीति तथा कार्यक्रम लन्ना तयारी करले बा ।


रोजगारीके सिलसिलामे भारत गैल व्यक्तिहुक्रे कोभिड-१९ के कारण घर आइल ओ ढिउर व्यक्ति बेरोजगार हुइल ओरसे गाउँपालिका आर्थिक विकास ओ रोजगारीहे मुख्य जोड डेके नीति तथा कार्यक्रम लन्ना हुइल हो । असार १० गते आगामी आर्थिक बरसके नीति तथा कार्यक्रम प्रस्तुत हुइना जनाइल बा ।


“शिक्षा ओ स्वास्थ्य मनुष्यके भविष्यके मूल आधार, विकास, दीगो विकास ओ रोजगारी अब्बेक हमार कार्यभार”, कना मूल नाराके साथ नीति तथा कार्यक्रम लन्ना गाउँपालिका अध्यक्ष लाजुराम चौधरी बटैलै । आगामी आर्थिक बरसके लाग लानजैना नीति तथा कार्यक्रममे विकाससंगे शिक्षा, स्वास्थ्य, दीगो विकासहे आघे बह्रैना उहाँ बटैलै ।


ओस्टके रोजगारी सृजना कैना अध्यक्ष चौधरीके कहाइ बा । कोरोना भाइरसके कारण बेरोजगार बनलहे कृषि ओ पशुपालन क्षेत्रमे अग्रसर करैना मेरके नीति तथा कार्यक्रम लन्ना जनाइल बा ।
सार्वजनिक जग्गाहे कृषिके लाग उपयोग कैके आर्थिक विकासमे ढिउर जोड डेबी”, अध्यक्ष चौधरी कहलै । “गाउँपालिकासे ढिउरसे ढिउर रोजगारी सृजना कैना मेरके योजना तर्जमा करटी रहल बाटी ।”

जनाअवजको टिप्पणीहरू