थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]
‘ बाह्रखरी कथा प्रतियोगिता–२०७७ ’

मुना चौधरीके ‘लार’ कथा प्रथम

पहुरा | ९ असार २०७७, मंगलवार
मुना चौधरीके ‘लार’ कथा प्रथम

काठमाडौं, ९ असार । बाह्रखरी बुक्सके राष्ट्रव्यापी खुला आधुनिक कथा प्रतियोगिता–२०७७ मे मुना चौधरीके कथा ‘लार’ प्रथम हुइल बा ।
कथामे प्रथम हुइल लहान सिराहाके कथाकार चौधरी एक लाख नगद पुरस्कार, सिल्ड ओ प्रमाणपत्र प्राप्त करले बाटी । वैशाख १२ मे विजेता घोषणाके तयारी हुइलेसे फेन लकडाउनके कारण हुइ सेकल नाइ रहे । सोम्मारके काठमाडौंके चन्द्रागिरिसे विजेताहुक्रनके नाउँ अनलाइन घोषणा करल रहे ।
दोस्रो स्थानमे वीरगन्जके श्रेयज सुबेदीके ‘बेजोडॉ शीर्षकके कथा छानल बा, तिसरा स्थानमे काभ्रे तेमालके दीपेन्द्र दोङ तामाङके कथा ‘बुलेट बाइक’ रहल बा । दुसरा ओ तिसरा हउइया कथाकारहे क्रमशः ६० हजार ओ ४० हजार रुपैयाँ प्रदान करल बा ।
यी प्रतियोगितामे भाग लेहल करिब ६ सय प्रतियोगीमध्ये विजयी तीन जनहन सहित २५ उत्कृष्ट कथाके चयन आख्यानकार तथा पत्रकार नारायण वाग्लेके संयोजकत्वमे रहल उपन्यासकार अमर न्यौपाने ओ साहित्यकार बिना थिङ तामाङ समूहके निर्णायक मण्डल करल रहे ।
छानल २५ कथाहुक्रनके संगालो ‘उत्कृष्ट कथा २०७७’ फेन बाह्रखरी बुक्ससे सार्वजनिक करले बा । डिजिटल भर्सनमे निकारल उ पुस्तक ओ उहे पुस्तकके अडियो बुक्स फेन डिजिटल पत्रिका बाह्रखरीके वेबसाइटमे निःशुल्क डाउनलोड करे सेकजैना व्यवस्था कैके बाह्रखरी बुक्स जनाइल बा ।

जनाअवजको टिप्पणीहरू