थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १७ अगहन २६४६, शनिच्चर ]
[ वि.सं १७ मंसिर २०७९, शनिबार ]
[ 03 Dec 2022, Saturday ]

बलिउड कोरियोग्राफर सरोज खानके निधन

पहुरा | १९ असार २०७७, शुक्रबार
बलिउड कोरियोग्राफर सरोज खानके निधन

काठमाडौं, १९ असार । बलिउडके चर्चित कोरियोग्राफर सरोज खानके हृदयघातके कारण शुकके रोज निधन हुइल बा । कुछ दिनसे बिरामी परल उहाँहे सास फेर्ना गाह्रो हुइलपाछे मुम्बईके बान्द्रास्थित गुरु नानक अस्पतालमे लैगिल रहे । उपचारके क्रममे ७१ वर्षीया खानके निधन हुइल भारतीय सञ्चारमाध्यम जनैले बा । कुछ दिनआघे उहाँक कोरोना टेस्ट कैगिल रहे । कोरोना टेस्ट भर नेगेटिभ आइल रहे । सरोज करिब २ हजार फिल्ममे कोरियोग्राफी कैले बाटी । उहाँ श्रीदेवी ओ माधुरी दीक्षितलगायत बलिउडके अधिकांश अभिनेत्रीहे नृत्य सिखैले रही । उहाँ अन्तिम चोट कंगना रनावतके ‘मणिकर्णिका’ ओ ‘कलंक’के गीतमे कोरियोग्राफी करले रही ।
सरोज ४० वर्ष बलिउडमे कोरियोग्राफी करली । सरोज पहिल चोट सन् १९७४ मे ‘गीता मेरा नाम’ से कोरोयोग्राफी सुरु रकली । अब्बेसम उहाँ तीन नेशनल अवार्ड जिटले रही ।
खानके निधनमे अभिनेता अक्षय कुमार ट्विट करटी लिख्लै बाटै, ‘दुःखद् खबरसँग उठ्नु । लेजेन्ड्री कोरियोग्राफर सरोज खान आब नैरहली । उहाँ नृत्यहे सबजे करे सेक्ना सहज बनाडि । यी बलिउड इन्डस्ट्रीके लाग भारी नोक्सान हो । उहाँक् आत्मा शान्ति पाए ।’ शुकके रोजे उहाँक अन्तिम संस्कार कैगिल बा । उहाँक् एक छावा ओ दुई छाइ बाटिन् ।

जनाअवजको टिप्पणीहरू