दीपिकाके ५ करोड फलोअर्स

बलिउडके कुछ कलाकारहे अब्बे सामाजिक संजाल इन्स्टाग्रामसे अनफलो कैना लहर नै चलल् बा । विशेष कैके, बलिउडकर्मीके छावाछाइहे यी अभियानके सबसे ढिउर शिकार हुइल बाटै ।
नायिका आलिया भट्ट, निर्देशक करण जोहर, नायिका सोनाक्षी सिन्हा, अनन्या पाण्डे, जान्हवी कपुर लगायतके कलाकारहे सामाजिक संजालसे अनफलो कैना लहर नै चलल् बा ।
मने, कुछ बलिउडकर्मीहे भर दर्शक निरन्तर पछ्याइटी रहल बाटै । नायिका दीपिका पादुकोणहे सामाजिक संजाल इन्स्टाग्राममे पछ्उइयाके संख्या ५ करोड पुगल बा ।
दीपिका ५ करोड फलोअर्स पुगलपाछे खुशी व्यक्त करटी अपने सम्पूर्ण दर्शकप्रति आभारी रहल बटैले बाटी ।
दीपिका भर १ सय २६ जनहनहे किल फलो करले बाटी । चलचित्र ‘ओम शान्ती ओम’से बलिउडमे प्रवेश करल यी नायिकाके अभिनयहे दर्शक ढिउर रुचैले बाटै ।