सुदूरपश्चिममे ठप ३ जनहनमे कोरोना संक्रमण पुष्टि

पहुरा समाचारदाता
धनगढी, २७ असार । सुदूरपश्चिम प्रदेशमे शनिच्चरके रोज ठप तीन जनहनमे कोरोना संक्रमण हुूइल पुष्टि हुइल बा ।
सेती प्रादेशिक अस्पतालके प्रयोगशालामे कैगिल परिक्षणमे ठप ३ जनहनमे कोरोना पुष्टि हुइल हो । लौवा ठपल संक्रमिट कञ्चनपुर जिल्ला कृष्णपुर नगरपालिका २ के २७ बर्षिय पुरुष, कृष्णपुर नगरपालिका ५ के ३२ बर्षिय पुरुष ओ कञ्चनपुर जिल्ला भीमदत्त नगरपालिका ९ के ३३ बर्षिया महिलामे कोरोना संक्रमण पुष्टि हुइल हुइल हो । २९० जनहनमे करल परिक्षणमे तीन जनहनमे संक्रमण डेखल सेती प्रादेशिक अस्पतालक सूचना अधिकारी दिलिपकुमार श्रेष्ठ जानकारी डेलै ।
सुदूरपश्चिम प्रदेशके कैलाली ओ कञ्चनपुरमे शनिच्चरसम आईसोलेशन वार्डमे उपचारमे ७ जाने केल रहल सूचना अधिकारी श्रेष्ठ जनैले बाटै ।