थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २८ सावन २६४६, शनिच्चर ]
[ वि.सं २८ श्रावण २०७९, शनिबार ]
[ 13 Aug 2022, Saturday ]

मुक्त कमैयासे टमान माग रख्टी गाउँपालिका अध्यक्षहे ज्ञापनपत्र

पहुरा | २ श्रावण २०७७, शुक्रबार
मुक्त कमैयासे टमान माग रख्टी गाउँपालिका अध्यक्षहे ज्ञापनपत्र

पहुरा समाचारदाता

हसुलिया, २ सावन । कैलारी गाउँपालिका स्तरीय मुक्तकमैया मुल समितिसे टमान माग रख्टी गाउँपालिका अध्यक्ष लाजुराम चौधरीहे ज्ञापनपत्र बुझाइल बा । २० औं कमैया मुक्त दिवसके अवसर पारके गाउँपालिका स्तरीय समितिसे ज्ञापन पत्र बुझाइल बा ।

गाउँपालिका स्तरीय समितिसे बसोबास करल जमिन दर्ता, छुट कमैयाहुक्रनके लगत लेके कमैया परिचयपत्रके व्यवस्था करे पर्ना, छुट्टे बजेटके व्यवस्था करे पर्ना, मुक्त कमैया पुनः स्थापना समिति तत्काल चयन करे पर्ना लगायतके माग लेके ज्ञापन पत्र बुझाइल बा ।

ओस्टके मुक्त कमैया बालबालिकाहुक्रनके प्राविधिक तथा उच्च शिक्षा सम निःशुल्क छात्रवृतिके व्यवस्था करे पर्ना, वृति विकास कार्यक्रम लागु करे पर्ना, आय आर्जनके करे पर्ना लगायतके माग सहित ज्ञापनपत्र मुक्त कमैया अगुवा विनोद चौधरी गाउँपालिका अध्यक्षहे बुझाइल रहिट ।

ज्ञापनपत्र बुझ्टी गाउँपालिका अध्यक्ष चौधरी मुक्त कमैयाहुक्रनके राखल माग प्रति अपने संवेदनशील रहल बटाइल रहिट । उहाँ गाउँपालिका अन्र्तगत टमान मुक्त कमैया शिविरमे बसोबास करटी आइल मुक्त कमैयाहुक्रनहे पुनः स्थापना, परिचयपत्र लगायतके माग सम्वोधन कैना प्रतिवद्धता जनाइल रहिट ।

ओस्टके उहाँ मुक्त कमैयाहुक्रनके लाग आयआर्जन, वृति विकास कार्यक्रमके लाग फेन वजेट विनियोजन कैना बटाइल रहिट । मिलनपुर कमैया बस्ती, विपतपुर कमैया बस्ती, ओम नगर कमैया बस्ती, सपनानगर कमैया बस्तीके मुक्त कमैयाहुक्र अध्यक्ष चौधरीहे ज्ञापनपत्र बुझाइल रहिट ।

अस्टेक, गौरीगंगा नगरपालिका १० उदासीपुर मे २० औं कमैया मुक्ति दिवस मनागिल बा । कमैया महिला जागरण वडा स्तरीय समिति गौरीगंगा नपा १० के आयोजनामे कमैया कम्लहरी जागरण बस्तीमे एक कार्यक्रम बीच सम्पन्न हुईल बा । वडा स्तरीय समिति अध्यक्ष माया चौधरीके घरगोसियाईमे कार्यक्रमके बर्का पहुना वडा अध्यक्ष पदम ऐर रहल रहित ।

कार्यक्रममे वडा सदस्य गौरीलाल चौधरी, भागीराम चौधरी, नेकापाके वडा सचिव राम कृष्ण चौधरी, लक्ष्मी समुदायिक वनके अध्यक्ष बिर्ख धामी, भल्मन्सा लगायतके सहभागी रहल रहे ।

सम्बन्धित समाचार

पुनर्स्थापना कर्नै बाँकी, सरकार कहट– काम होसेकल
सम्पादकीय: मुक्तकमैया पुनर्स्थापनामे सरकारके उदासिनता कहे ?

जनाअवजको टिप्पणीहरू