सुदूरपश्चिम प्रदेशके नौ क्याम्पस नमूना क्याम्पस स्तरोन्तीके लाग छनौट
पहुरा समाचारदाता
धनगढी, १३ सावन । सुदूरपश्चिम प्रदेशके नौ ठो क्याम्पस नमूना क्याम्पस स्तरोन्तीके लाग छनौट हुइल बाटै ।
यी प्रदेशमे ४३ ठो क्याम्पस रहलमे नौ क्याम्पसहे नमूना क्याम्पस स्तरोन्तीके लाग छनौट करल सामाजिक विकास मन्त्रालयके उच्च शिक्षा महाशाखा कैलाली जनैले बा । सामाजिक मन्त्रालयके २०७६ पुस ९ गतेक सूचना अनुसार नमूना क्याम्पस स्तरोन्तीके लाग पेश हुइल ४३ क्याम्प मन्से नौ ठो क्याम्पसहे २०७७ असार ३० गतेक मन्त्री परिषदके निर्णयसे स्तरोन्तीके लाग छनौट हुइल शाखा अधिकृत जयदेव महरा बटैलै ।
छनौट हुइल क्याम्पसमे सुखड कैलालीके घोडाघोडी बहुमुखी क्याम्पस, कञ्चनपुर बेलौरीके महाकाली बहुमुखी क्याम्पस, अछाम मंगलसेनके अछाम बहुमुखी क्याम्पस, परशुराम नगरपालिका डडेल्धुराके त्रिवेणी बहुमुखी क्याम्पस जोगबुढा, विपिनगर डोटीके केदार ज्योति कुञ्ज बहुमुखी क्याम्पस, दार्चुलाके दार्चुला बहुमुखी क्याम्पस, बझाङ वित्थडचिरके सुनकुडा बहुमुखी क्याम्पस, बाजुरा बडिमालिकाके बाजुरा बहुमुखी क्याम्पस मार्तडी ओ बैतडीके जगन्नाथ बहुमुखी क्याम्पस रहल बा ।
