थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

पत्रकार मिसन टोलीसे स्थलगत अध्ययन सुरु

पहुरा | ४ आश्विन २०७७, आईतवार
पत्रकार मिसन टोलीसे स्थलगत अध्ययन सुरु

मानवअधिकार आयोग ओ ईन्सेकमे छलफल

पहुरा समाचारदाता
धनगढी, ४ कुवाँर ।
पत्रकार उपर हुइल आक्रमण बारे अध्ययन करे नेपाल पत्रकार महासंघ केन्द्रीय समितिके मिसन टोली धनगढी पुगके स्थालगत अध्यन सुरु करले बा ।

महासंघके महासचिव रमेश विष्ट नेतृत्वके टोली घटना सम्बन्धी अध्ययनके लाग अँट्वारके धनगढी पुगल हो । टोलीसे धनगढीके पत्रकारहुक्रनसे छलफल करल नेपाल पत्रकार महासंघके केन्द्रीय सदस्य मीन बम जानकारी डेलै ।

मिसन टोलीसे राष्ट्रिय मानव अधिकार आयोगके प्रदेश कार्यालय धनगढीमे पुगके छलफल करले बा । वहाँ मानअधिकार आयोगके प्रदेश कार्यालय प्रमुख झंकर रावलसे घटनाके बारेम
बुुझ्ल जनाइल बा । मानवअधिकार आयोग घटना हुइलपाछे टमान सरोकारवाला संग छलफल करल ओरसे घटनाके प्रारम्भिक बिषय बारेम छलफल हुइल जनाइल बा ।

ओस्टके टोलीसे ईन्सेक प्रदेश कार्यालयमे फेन भेटघाट सहित छलफल करले बा । इन्सेकके क्षेत्रीय संयोजक खडकराज जोशीसे फेन घटनाके बास्तविकता बारेम समेत बुझल जनाइल बा । टोलीमे नेपाल पत्रकार महासंघके सचिव रामप्रसाद दाहाल, केन्द्रीय सदस्य मिन बम, प्रदेश अध्यक्ष अर्जुन शाह कैलाली अध्यक्ष जगत साँउद लगायत सहभागी रहल बाटै ।

टोलीसे घटनाके सम्बन्धमे स्थलगत रूपमे अध्ययन कैके पीडित पक्ष, स्थानीय प्रशासन, प्रहरी, सरोकारवाला, पत्रकार लगायतसे छलफल कैके सत्यतथ्य सार्वजनिक कैना जनैले बा । पत्रकार महासंघसे पत्रकारउपर अन्धाधुन्ध आक्रमण घाइते बनाइल घटनाबारे स्थलगत अध्ययनके लाग महासंघके अध्ययन टोली धनगढी पठाइल हो ।

मिसन टोलीसे दिनेश एफएमके पत्रकारउपर अन्धाधुन्ध आक्रमण कैके घाहिल बनाइल घटनासहित कैलालीमे हुइल प्रेस स्वतन्त्रता हनन्के घटनाबारे स्थलगत अध्ययन कैना जनाइल बा ।

जनाअवजको टिप्पणीहरू