७५ हजार नगदसहित नौँ जुवाडे पक्राउ
पहुरा समाचारदाता
धनगढी, ११ कुवाँर । धनगढीसे ७५ हजार नगद सहित नौ जुवाडे पक्राउ परल बाटै ।
धनगढी उपमहानगरपालिका वडा नम्बर २ के बोगटी चोकमे रहल कृष्ण सिंहके घरमे जुवा खेल्टी रहल अवस्था ७५ हजार दुई सय १० रुपैँया सहित ९ जुवाडेहे पक्राउ करल प्रहरी जनैले बा । जिल्ला प्रहरी कार्यालयके प्रवक्ता प्रहरी नायब उपरिक्षक प्रतिक विष्ट दुई गड्डी तास सहित पक्राउ परल उहाँहुक्रनके अनुसन्धान हुुइटी रहल जानकारी डेलै ।
पक्राउ परुइयामे कञ्चनपुरके कृष्णपुर नगरपालिका ९ ३४ वर्षीय राम बहादुर ऐर, भिमदत नगरपालिका वडा नम्बर ६ के ४३ वर्षीय जनक राज जोशी, बझाङके केदारस्यु गाउँपालिका वडा नम्बर ४ के ३३ वर्षीय नरेन्द्र मल्ल, २८ वर्षीय मिलन भण्डारी, धनगढी उपमहानगरपालिका वडा नम्बर २ के ४० वर्षीय पवन भाट रहल बाटै ।
ओस्टके उहे ठाउँके २७ वर्षीया नितु चन्द, ३८ वर्षीय दिल बहादुर सिंह, ३८ के शेर बहादुर साउँद ओ चुरे गाउँपालिका वडा नम्बर ३ के ३८ वर्षीय नर बहादुर धामी रहल प्रहरी नायब उपरिक्षक विष्ट बटैलै ।
