महिमा ओ रमेशके ‘दिलमे टोहार नाउँ…’ सार्वजनिक

पहुरा समाचारदाता
धनगढी, १७ कार्तिक । विन्दास मिडिया लावा म्युजिक भिडियो सार्वजनिक करले बा । ‘दिलमे टोहार नाउँ…’ कना बोलके गीतमे निर्मित लावा थारु म्युजिक भिडियो सार्वजनिक सोम्मारके रोज युट्यूब च्यानल मार्फत सार्वजनिक करल हो ।

म्युजिक भिडियोमे चर्चित मोडल महिमा कुश्मी ओ रमेश चौधरीके मोडलिङ रहल बा । विनोद चौधरी (मस्तैला) के शब्द संगीत रहल गीतमे सोनु कुश्मी ओ गणेश चौधरीके स्वर रहल बा ।

आर्दश महतोके डाइरेक्सन रहल भिडियाके छायांकन साहिल चौधरीके रहल बा । भिडियो नेपालके धार्मिक तथा पर्यटकीय क्षेत्र लुम्बिनी, दाङ, सल्यान, रुकुम लगायत क्षेत्रमे छायांकन करल बा ।

भिडियाेके लाग यहाँ क्लीक करी ।