थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ बैशाख २६४८, सोम्मार ]
[ वि.सं ३ बैशाख २०८१, सोमबार ]
[ 15 Apr 2024, Monday ]

‘कलाकार समाजके ऐना हुइट’

पहुरा | २६ कार्तिक २०७७, बुधबार
‘कलाकार समाजके ऐना हुइट’

पहुरा समाचारदाता
हसुलिया, २६ कार्तिक ।
कैलारी गाउँपालिकाके अध्यक्ष लाजुराम चौधरी कलाकार समाजके ऐना रहल बटैले बाटै ।

कैलारी गाउँपालिका–१ वनदेवी मन्दिर परिसरमे बुधके आयोजित ‘डिया डेवारी मैगर मिलन कार्यक्रम’ मे बर्का पहुना रहल उहाँ समाजमे रहल विसङ्गति, विकृतिहे उजागर कैना कार्य कलाकार करटी रहल उल्लेख करलै । अध्यक्ष चौधरी कलाहे पहिचानके रुपमे आघे बर्हाइ पर्ना बटैलै ।

‘हम्रे हमार पहिचान नाइ भुले परल’, सीएस फिल्म्स् धनगढीसे आयोजित कार्यक्रममे उहाँ कहलै–‘हमार भाषा का हो, हम्रे के हुई, उहीहे बुझ्ना आवश्यक बा ।’ थारु समुदायके कला, संस्कृति आभिन पाछे रहल उल्लेख करटी उहाँ आब फड्को मर्ना विश्वास व्यक्त करलै ।

सुदूरपश्चि कलामे धनी ढिउर रलेसे फेन कलाके पहिचान हुइ नाइ सेकल कहटी उहाँ कला, संस्कृति बचैना सक्कु जनहनके धर्म रहल बटैलै । कार्यक्रममे थारु कलाकार मञ्चके केन्द्रीय अध्यक्ष विनय वैद्य थारु समुदाय कलाकार ओ कलाके हब रहल बटैलै । उहाँ थारु गीतसंगीतके लाग कलाकार सदैव तयार रहल बटैलै ।

ओस्टके, थारु टेलिभिजनके सञ्चालक पोखम चौधरी थारु कलाकार प्रविधि अनुरुप आघे बर्हना आवश्यक रहल औंल्याइलै ।

कार्यक्रममे कैलारी गाउँपालिकाके उपाध्यक्ष लक्ष्मी सत्गौंवा, प्रवक्ता कमलप्रसाद चौधरी, नेपाली कांग्रेसके नेता राजसमझ चौधरी, थारु कलाकार तथा निर्देशक चन्द्र चौधरी चाँद, कलाकार अम्बीकाप्रसाद आचार्य लगायतके उपस्थिति रहल रहे ।

कार्यक्रममे सीएस फिल्म्स्के सतिश सिन्हा सीएस सिने अवार्ड २०७७ आयोजना कैना जानकारी डेलै । उहाँ कलाकार ओ कलाक्षेत्रसंग सम्बन्धित सक्कु जनहनके लाग अवार्ड आयोजना हुइना उल्लेख करलै ।

उहे कार्यक्रममे कांग्रेस नेता चौधरी बसेरा चलचित्रके लाग ३० हजार ओ सीएस सिने अवार्डके लाग २५ हजार रुपैयाँ सहयोग कैना प्रतिवद्धता जनैले बाटै । कार्यक्रमके सञ्चालन गायक राज चौधरी करले रहिट ।

जनाअवजको टिप्पणीहरू