तारा अभिनेत्रीसंगे मजा गायिकाफे

काठमाडाैं, ५ अगहन । तारा सुतारिया बलिउडके सुन्दर, मल्टीट्यालेन्टेड अभिनेत्री हुइट । बिफेक रोज उहाँ अपन २५ औं जन्मदिन मनैले बाटी । उहाँ बलिउड डेब्यु फिल्म ‘स्टुडेन्ट अफ द इयर २’ से करल हुइट । डेब्यु फिल्म उहाँ सुपरहिट डेना सफल हुइली ।

तारा बलिउड अभिनेत्रीके अलवा मजा गायिका ओ डान्सरफे हुइट । उहाँ क्लासिक, मोडन ओ ल्याटिन अमेरिकी डान्स लन्डनके रोयल अकादमी डान्ससे सिखले बाटी ।

तारा सातबर्षके उमेरसे एक व्यवसायिक गायिकाके रुपमे समेत काम करटी आइल बाटी । उहाँ टमान राष्ट्रिय तथा अन्तराष्ट्रिय सांगीतिक कार्यक्रममे पफमेन्स करसेकल बाटी । उहाँ डिज्नी च्यानलमे भिडियो ज्याकीके रुपमे २०१० मे काम सुरु करले रहिट । उहाँ एक जुडुवा बहिनीयाफे रहल बाटी । जेकर नाउँ पिया सुतारिया हो ।

तारा कुछ आघे फिल्म ‘मरजावा’मे डेखल रहिट । उहाँ पछिल्का फिल्म ‘तडप’के तयारी बाटी । फिल्ममे उहाँ सुनिल सेट्टीके छावा अहानसंग विल्गैही ।

एजेन्सी