उद्योगमे श्रम तथा रोजगार कार्यालयके अनुगमन
पहुरा समाचारदाता
अत्तरिया, ८ अगहन । श्रम तथा रोजगार कार्यालय धनगढीसे श्रम ऐन ओ नियमावली तथा सक्कु श्रम सम्बन्धी कानून प्रभावकारी रुपमे लागू कैना करैना अनुगमन सुरु करले बा ।
म तथा रोजगार कार्यालयके प्रमुख जनक सिंह उखेडाके नेतृत्वमे गोदावरी नगरपालिका वडा नं.३ मे स्थित रेडीयन्ट ग्याँस उद्योग ओ वडा नं. १ मे रहल पद्मा सोप एण्ड केमिकल्समे अनुगमन करले बा ।
अनुमगनके क्रममे कार्यालय प्रमुख उखेडा उद्योगमे कार्यरत सक्कु जाने श्रमिकहुकनहे अनिवार्य रुपमे नियुक्ति पत्र डेना, कानूनसे तोकल बमोजिमके तलब सुनिश्चित कैना, स्वास्थ्य तथा दुर्घटना विमा करैना, मजदुरहुकनके सुरक्षामे ध्यान डेना उद्यमीहुकनहे निर्देशन डेले बाटै ।
नियमित प्रक्रियाके रुपमे कैना यी अनुगमन कोभिड महामारी सहज हुइलपाछे यी पहिल अनुगमन रहल बाट कार्यालय प्रमुख उखेडा बटैलै । साथे श्रम अडिटफे यिहे बर्षसे सक्कु उद्योग तथा रोजगारदाताहुक्रे अनिवार्य रुपमे करे पर्ना जानकारी करैलै ।
