बैतडी जिप दुर्घटनामे पाँच जानेक ज्यान गैल, ६ जे घाहिल

पहुरा समाचारदाता
धनगढी, ९ अगहन । बैतडीमे हुइल जिप दुर्घटनामे परके पाँच जानेक ज्यान गैल बा कलेसे ६ जाने घाहिल हुइल बाटै । दुर्घटनामे परके कलावती चन्द, भगिरथ पाण्डेय, पार्वती चन्द, उहे नाउँक दुसर पार्वती ओ कृष्ण लावडके घटनास्थलमे मृत्यु हुइल बा ।

झुलाघाटसे गोठलापानीओर अइटी रहल ना १ ज २१९६ नम्बर जिप आज दुपहर १ बजेर ४० मिनेटमे बुढ्ढा लग्गे दुर्घटना हुके पाँच जानेक घटनास्थलमे ज्यान गैल जिल्ला प्रहरी कार्यालय बैतडीके प्रहरी कार्यालय बैतडीके प्रवक्ता जनकबहादुर धामी जानकारी डेलै ।

ओस्टेक करके घाहिल हुइलमे रविन्द्र चन्द, प्रदीप लावड, खपेन्द्र जोशी, कृष्णानन्द भट्ट ओ दुसर दुई जाने करके ६ जाने रहल बाटै । दुर्घटनाके कारण खुल्न नइसेकल ओ जीपके चालक फरार रहल प्रहरी जनैले बा ।