लैङ्गिक हिंसा विरुद्धको १६ दिने अभियान: कैलारीमे विविध कार्यक्रम कैना

पहुरा समाचारदाता
हसुलिया, १० अगहन । कैलारी गाउँपालिकाके हसुलियामे लैङ्गिक हिंसा विरुद्धके १६ दिने अभियानके अवसरमे वृहत ¥याली तथा अन्तरिक्रया कार्यक्रम हुइल बा ।

कैलारी गाउँपालिकाके आयोजना तथा टमान सहकारी संघसंस्थाके सहकार्यमे ‘लैङ्गिक हिंसा अन्त्यके प्रतिबद्धता ः व्यक्ति समाज ओ सक्कु जनहनके ऐक्यबद्धता’ कना मूल नारासहित कार्यक्रम हुइल हो । वृहत ¥याली तथा अन्तरिक्रया कार्यक्रमहे गाउँपालिका अध्यक्ष लाजुराम चौधरी, उपाध्यक्ष लक्ष्मी सत्गौंवा लगायत सम्बोधन करल रहिट ।

यिहे बिच कैलारी गाउँपालिका महिला तथा बालबालिका शाखाके आयोजना ओ गाउँपालिका अन्तर्गत क्रियाशिल सहकारी संस्था एवं गैह्सरकारी संस्थाके सहकार्यमे लैङ्गिक हिंसा अन्त्यके लाग टमान कार्यक्रम कैना जनाइल बा । महिला तथा बालबालिका शाखाके प्रमुख बालकुमारी चौधरी १६ दिने अभियान अन्तर्गत नोभेम्बर २५ से डिसेम्बर १० सम टमान गतिविधि कैके मनैना बटैली ।

उहाँ ‘लैङ्गिक हिंसा अन्त्यके प्रतिबद्धता : व्यक्ति समाज ओ सक्कु जनहनके ऐक्यबद्धता’ कना शीर्षकमे मावि स्तरीय वक्तृत्वकला प्रतियोगिता, सचेतनामूलक नृत्य लगायतके कार्यक्रम कैना बटैली ।

महिला तथा बालबालिका शाखाके आयोजनमे हुइना कार्यक्रमहे कमैया प्रथा उन्मूलन समाज, पारदर्शी महिला विकास वहुउद्देश्यीय संस्था, दलित महिला अधिकार मञ्च, बेश, नेपाल रेडक्रस सोसाइटी, सामाजिक सेवा अध्ययन केन्द्र, समीक्षा महिला विकास बहुउद्देश्यीय सहकारी संस्था, चेतनशील महिला विकास सहकारी संस्था लगायतके सहकार्य रहना जनाइल बा ।