धनगढीमे लैङ्गिक हिंसा विरुद्धके १६ दिने अभियानके उद्घाटन
पहुरा समादारदाता
धनगढी, १० अगहन । धनगढी उपमहानगरपालिकासे लैङ्गिक हिंसा विरुद्धके १६ दिने अभियानके बुधके एक कार्यक्रमके विच उद्घाटन करले बा ।
उपमहानगरपालिका नगरप्रमुख नृपबहादुर वड ओ उपप्रमुख सुशीला मिश्र भट्ट लैङ्गिक हिंसा विरुद्धके १६ दिने अभियानके व्यानर खोलके उद्घाटन करले रहिट । उहे अवसरमे कार्यक्रममे सहभागी जनप्रतिनिधी, कर्मचारी ओ और सहभागिहुकनहे उज्जर रेवनके लैङ्गिक हिंसा विरुद्धके लोगो घलाइल रहे ।
अभियानके उद्घाटनमे बोल्टी धनगढी उप–महानगरपालिकाके नगरप्रमुख नृपवहादुर वड यी वर्ष कोभिड १९ के महामारीके कारण भीड जम्मा करके कार्यक्रम सञ्चालन कैना सम्भव नइहुलेसेफे प्रविधिके माध्यमसे आ–अपन स्थानसे सुरक्षित रहटी कार्यक्रम करके १६ दिने अभियानहे सार्थक बनैना अनुरोध करलै ।
लैङ्गिक हिंसाके अन्त्य एक ठो पक्षके सहभागिताहे केल सम्भव नइहुई नगरप्रमुख वड कहलै, ‘ओकर लाग तीनु पक्षसंगसंगे जाई परठ ।’ सुदूरपश्चिम प्रदेशमे शिक्षा, चेतना ओ गरिबीके कारण महिलाउप्पर ढेर हिंसा हुइना करल नगरप्रमुख वड बटैलै ।
पछिल्का समय महिलाके जस्टे हिंसा पीडित पुरुष समेत भेटाई लागल बाटै नगरप्रमुख वड कहलै, ‘ यी अभियानके अर्थ लिङ्गके आधारमे केक्रो उप्परफे हिंसा हुई नइरहल कना हो । नगरप्रमुख वड लैङ्गिक हिंसा विरुद्धके १६ दिने अभियानके सफलताके शुभकामना डेलै ।
धनगढी उप–महानगरपालिकाके उप–प्रमुख सुशीला मिश्र भट्ट विश्वव्यापी रुपमे सन् १९९१ से प्रत्येक बर्ष नोभेम्बर २५ से डिसेम्बर १० तारिकसम लैङ्गिक हिंसा विरुद्धके १६ डेना अभियानके रूपमे मनैटी आइल बटैली ।
यी वर्ष ‘लैङ्गिक हिंसा अन्त्यके प्रतिवद्धताः व्यक्ति समाज ओ सक्कुहुनके ऐक्यवद्धता’ कना राष्ट्रिय नाराके साथ लैङ्गिक हिंसा विरुद्धके १६ दिने अभियान बुधसे सुरु हुइल बा उपप्रमुख भट्ट कहली, ‘यकर अर्थ लिङ्गके आधारमे कैना हिंसा न्यूनिकरण केल नाही निवारणकरके जाई परल कना हो ।’
धनगढी उपमहानगरपालिकाके प्रमुख प्रशासकीय अधिकृत जगन्नाथ पन्त लैङ्गिक हिंसाके कारण हमार समाजमे रहल गलत संस्कार, अन्धविश्वास, मुल्य मान्यता, परम्परा रहल बटैलै ।
उहाँ कहलै, ‘यकर लाग सचेतना आवश्यक बा ।’ यिहे क्रममे उपमहानगरपालिकाके महिला जनप्रतिनिधीहुकनहे लैङ्गिक हिंसा न्यूनिकरणके लाग सकारात्मक सोच सम्वन्धी तालिम समेत आयोजना करल बा ।
सम्बन्धित समाचार
‘आर्थिक सशक्तीकरणके लाग सहयोग कैना तयार बाटी’
लैङ्गिक हिंसा विरुद्धको १६ दिने अभियान: कैलारीमे विविध कार्यक्रम कैना
