कोभिड डिफेन्स अवार्डसे युवा व्यवसायी ओझा सम्मानित

पहुरा समाचारदाता
धनगढी, १२ अगहन । उद्योग वाणिज्य संघ कैलालीके वरिष्ठ उपाध्यक्ष एवम् युवा समाजसेवी पुष्कर ओझा कोभिड डिफेन्स अवार्डसे सम्मानित हुइल बाटै ।

उहाँहे फोकस नेपाल ‘कोभिड डिफेन्स अवार्ड २०२०’ से सम्मानित करल हो । विश्वव्यापी कोरोना महामारीके कहर सुदूरपश्चिममे समेत फैलल्पाछे ओझा स्थानीय समाजसेवीके सहकार्यमे भारतसे नेपाल अउइया नेपाली दादाभैया–दिदीबहिनीयाके खानपान, आवतजावत ओ आइसोलेसनके लाग व्यवस्थापनमे सक्रिय भूमिका निभाइल रहिट ।

ओझा डडेल्धुरामे पीसीआर मेसिन स्थापनामे फेन भूमिका निर्वाह करल रहिट ।