दुई दिनमे दुई जानेक शव भेटगिल

कञ्चनपुर, १२ अगहन । कञ्चनपुर विफे ओ शुक करके दुई जानेक शव फेला परल बा ।
शुकके सकारे भीमदत्त नगरपालिका– ४ स्थित महेन्द्रनगर बजारमे बेदकोट नगरपालिका ४ के २४ वर्षीय कमल दमाई मृत फेला परल बाटै ।

कुवाँर ८ गते मजदुरीके लाग कहटी घरसे निकरल उहाँक शव शुकके फेला परल हो । टेलिफोनके जस्टे विल्गैना तारके पासोसे घेँचा बेरल अवस्थामे शव फेला परल जिल्ला प्रहरी कार्यालय कञ्चनपुर जनैले बा ।

विफेक रोज कञ्चनपुरके भीमदत्त नगरपालिका–१० सुकासालमे एक पुरुषके शव फेला परल रहे । उहाँ भीमदत्त नगरपालिका– ६ ऐठपुरके ३८ वर्षीय राजेन्द्र चन्द रहल प्रहरी जनैले बा । घटनाके अनुसन्धानके लाग धनगढीसे तालिम प्राप्त कुकुर समेत उहाँ लैगिल बा ।