घोडताल सामुदायिक वनके वार्षिक साधारण सभा

जीवन चौधरी
पहलमानपुर, १२ अगहन । कैलालीके भजनी नगरपालिका वडा नम्वर ९ हिम्मतपुरमे रहल घोडताल सामुदायिक वन उपभोक्ता समितिके वार्षिक साधारण सभा तथा सर्वजनिक सुनवाई शुकके रोज हुइल बा ।

सव डिभिजन कार्यालय पच्मुडियाके फालरेटर भिष्मराज ओझाके वडका पहुना तथा भजनी नगरपालिका–९ के अध्यक्ष कृष्ण चौधरीके खास पहुनामे हुइल कार्यक्रममे हिम्मतपुर गाउँके भलमन्सा जयलाल चौधरी लगायत मन्तव्य व्यक्त करले रहिट ।

घोडताल सामुदायिक वन उपभोक्ता समितिके अध्यक्ष रामप्रसाद चौधरीके अध्यक्षतामे हुइल कार्यक्रममे सचिव खगिसरा सिजाली आयव्यय विवरण प्रस्तुत करले रहिट । कार्यक्रमके संचालन टोल अगुवा वीरबहादुर थापा करले रहिट ।