हिंसापीडित महिलाहे कानूनी उपचार प्रशिक्षण

पहुरा समाचारदाता
हसुलिया, १५ अगहन । कैलारी गाउँपालिकाके हसुलियामे लैंगिक हिंसा विरुद्धके १६ दिने अभियान अन्तर्गत अँट्वारके हिंसा पीडित महिलाहुक्रनहे कानुनी उपचारबारे प्रशिक्षण डेहल बा ।

कैलारी गाउँपालिका महिला तथा बालबालिका शाखाके आयोजना ओ गाउँपालिका अन्र्तगत क्रियाशिल सहकारी संस्था एवं गैह्सरकारी संस्थाके सहकार्यमे हुइल प्रशिक्षण कार्यक्रममे अधिवक्ता पुष्प विक्रम शाही प्रशिक्षण डेहल रहिट ।

हिंसा पीडित महिला, आदिवासी जनजाति थारु, दलित, विपन्न समुदायके महिला सहभागि रहल कार्यक्रममे कानुनी उपचार, उजुरी, समन्वय लगायतबारे प्रशिक्षण डेहल कमैया प्रथा उन्मूलन समाजके कार्यक्रम संयोजक सुरज परियार जानकारी डेलै ।

‘लैंगिक हिंसा अन्त्यके प्रतिबद्धता : व्यक्ति समाज ओ सबके ऐक्यबद्धता’ कना मूल नारासहित सुरु हुइल अभियान अन्तर्गत नोभेम्बर २५ से डिसेम्बर १० सम टमान गतिविधी कैना जनाइल बा ।

जौन गतिविधी अन्र्तगत ‘लै·िक हिंसा अन्त्यके प्रतिबद्धता : व्यक्ति समाज ओ सबके ऐक्यबद्धता’ कना शिर्षकमे मावि स्तरीय वक्तृत्वकला प्रतियोगिता, सचेतनामूलक नृत्य लगायतके कार्यक्रम रहल बा ।

महिला तथा बालबालिका शाखाके आयोजनमे हुइना कार्यक्रमहे कमैया प्रथा उन्मूलन समाज, पारदर्शी महिला विकास वहुउद्देश्यीय संस्था, दलित महिला अधिकार मञ्च, बेश, नेपाल रेडक्रस सोसाइटी, सामाजिक सेवा अध्ययन केन्द्र, समिक्षा महिला विकास बहुउद्देश्यीय सहकारी संस्था, चेतनशील महिला विकास सहकारी संस्था लगायतके सहकार्य रहल बा ।