मानवअधिकार रक्षक सञ्जाल निर्माण करेपरना जोड

कञ्चनपुर, १५ अगहन । डिसिए ओ अनौपचारिक क्षेत्र सेवा केन्द्र (इन्सेक) सुदूरपश्चिम प्रदेश कार्यालय धनगढीके सहकार्यमे मानव अधिकार रक्षक सञ्जाल, कञ्चनपर अँट्वार महेन्द्रनगरमे आयोजना करल मानवअधिकार रक्षकके अवस्था ओ आगामी कार्ययोजना निर्माणके लाग हुइल छलफल कार्यक्रम हुइल बा ।

कार्यक्रममे मानवअधिकार रक्षक सञ्जालके पदाधिकारीहुकनसे स्थानीय स्तरमे मानवअधिकार रक्षक सञ्जाल निर्माण करना सुझाव डेले बा ।

मानवअधिकार रक्षक सञ्जाल, कञ्चनपुरके सदस्य उद्धबराज भट्ट जिल्लामे लै·िक हिंसा प्रभावितके लाग सुरक्षित आवास गृह नैरहल कारण महिला अधिकारके क्षेत्रमे काम करना अधिकार रक्षकहे समस्या हुइल बटैलैं ।

अस्टेक मानवअधिकार रक्षक सञ्जाल, कञ्चनपुरके सदस्य प्रभुनिधि पन्त मानवअधिकार रक्षकके स्थानीयस्तरसम सञ्जाल निर्माण करेपरना बटैलैं । उहाँ स्थानीय स्तरमे रहल मानवअधिकार रक्षक ढेर जोखिममे रहल ओरसे स्थानीय स्तरसम सञ्जाल निर्माण करेपरना बटैंलैं ।

अस्टेक इन्सेक सुदूरपश्चिम प्रदेश कार्यालयके संयोजक खडकराज जोशी आगामी वर्षमे मानवअधिकार रक्षकके सुरक्षा ओ क्षमता अभिबृद्धि करना आगामी परियोजनाके लाग आवश्यक छलफल करल बटैलैं ।

इन्सेक डिसिए परियोजना संयोजक सरिता पुरी सहजीकरण करल कार्यक्रममे मानवअधिकार रक्षक सञ्जाल, कञ्चनपुरके प्रतिनिधिके सहभागिता रहल रहे ।

महिला हिंसा पीडितहे सहायता

मानव अधिकार सहायता समिति सुदूरपश्चिम ओ इन्सेक धनगढी महिला हिंसा पीडितहे कानुनी सहायताके लाग सहयोग स्वरुप १० हजार रुपियाँ प्रदान करल इन्सेकके प्रदेश प्रमुख खडकराज जोशी बटैलैं । डिसिएके सहयोगमे स्थापना करल मानवअधिकार सहायता कोषसे सहयोग करल प्रदेश प्रमुख जोशी बटैलैं ।

जिल्ला अदालत, कञ्चनपुरमे पतिके विरुद्ध कानुनी लराइके प्रक्रियामे रहल भिमदत्त नगरपालिका–१९ के कञ्चन खडायत आर्थिक अवस्था कमजोर रहल ओ कानूनी सहायता करेक लाग मानवअधिकार रक्षक सञ्जाल, कञ्चनपुरहे आग्रह करलपाछे सञ्जालके सिफारिसमे पीडितहे सहायताके रकम प्रदान करल सञ्जालके सदस्य उद्धवराज भट्ट बटैलैं ।

इन्सेकके प्रदेश प्रमुख जोशी ओ सञ्जालके सदस्य भट्ट पीडित खडायतहे नगद रकम १० हजार रुपियाँ हस्तान्तरण करले रहिट ।