दिगो योजना प्रभावकारीः नगर प्रमुख देउवा

पहुरा समाचारदाता
चौमाला, १६ अगहन । कैलालीको गौरीगंगा नगरपालिका स्तरीय परियोजना परिचयात्मक कार्यक्रम सम्पन्न हुइल बा ।

बाल कल्याण संघ ओ दिगो विकास समाज भजनीसे गौरीगंगा नगरपालिकामे सन् २०२१ मे संचालन करजैना कार्यक्रमके जानकारी करल हो ।
बाल कल्याण संघके अनुगमन अधिकृत मिठु बहादुर हुड्केके घरगोसियाइमे हुइल कार्यक्रममे नगरप्रमुख भीम बहादुर देउवा छोटबर योजनासे फेन दिगो योजना प्रभावकारी हुइना बटैलै ।
उहाँ कार्यक्रम करेबर बालबालिकाहे केन्द्रमे राखके काम ओ समुदाय स्तरमे विकास ओ गरिबी निवारणके क्षेत्रमे सहयोग पुग्ना विश्वास लेहल कहटी संघ संस्थासे कागजमे काम कैके किल नाइ कि फिल्ड स्तरमे फेन नतिजा डेखाइ पर्ना जोड डेलै ।

वडा नं ११ के अध्यक्ष विनोद चौधरी वडा तहमे कार्यक्रम उपलब्धि मुलक रहल मने समग्रमे छोट योजना रहल ओरसे थप कार्यक्रम लन्ना आग्रह करल रहिट । बाल कल्याण संघसे समुदाय ओ वडा स्तरमे बालबालिकाके संरक्षणके सवालमे रोकारवालाहुक्रनहे जवाफदेही बनैना बाल संरक्षण तथा पैरवी परियोजना ओ बाल स्पोन्सरसीप परियोजनाके बारेम जानकारी डेहल रहे ।

बालबालिकाहुक्रनके हित तथा संवेदनशील सवालमे सम्बन्धित निकाय, समुदायमे आधारित संस्था ओ समुदायमे बाल सहभागिताके सवाल गौरीगंगा नगरपालिकामे बाल कल्याण संघ टीकापुरसे संचालन कैना कार्यक्रमके बारेम संघके फिल्ड अधिकृत तपेन्द्र ठकुल्ला प्रस्तुत करल रहिट ।

ओस्टके दिगो विकास समाजसे स्थानीय समुदायहे स्वरोजगारी सृजना कैना पोषण तथा उत्थानशिल जीविकोपार्जन परियोजना सम्बन्धि जानकारी डेहल बा । दिगो जीविकोपार्जन ओ महिलाहुक्रनहे बालबालिकाहुक्रनके स्तनपान, सन्तुलित आहारके साथे उहाँहुक्रनहे विपद जोखिम व्यवस्थापनमे सहयोग कैना तथा अपांगता रहल व्यक्ति ओ परिवारहे जीविकोपार्जनकामे सहयोग, जलवायु अनुकुलन कृषि तालिम ओ समाग्री सहयोगके बिषयमे संस्थाके परियोजना अधिकृत प्रभुनाथ ढकाल प्रस्तुत करल रहिट ।

वल्र्ड भिजन ईन्टरनेशनल नेपालके सहयोगमे बाल कल्याण संघ टीकापुर ओ दिगो विकास समाज भजनीसे सन् २०२१ मे नगरपालिकाके वडा नं १० ओ ११ मे संचालन करजैना परियोजनाके बारेम छलफल करल रहे ।