क्रिकेट प्रतियोगिता सुरु

पहुरा समाचारदाता
धनगढी, १८ अगहन । कैलाली जिल्ला क्रिकेट संघके आयोजनामे धनगढीके फाप्ला क्रिकेट मैदानमे बिफेसे जिल्ला स्तरीय सिनियर पुरुष छनोट क्रिकेट प्रतियोगिता सुरु हुइल बा ।

जिल्ला स्तरीय सिनियर पुरुष छनोट क्रिकेट प्रतियोगिताके उदघाटन कार्यक्रम कैलाली जिल्ला क्रिकेट संघके अध्यक्ष तथा नेपाल क्रिकेट संघके केन्द्रीय सदस्य विक्रम बिष्टके अध्यक्षतामे हुइल रहे । प्रतियोगिताके पहिल दिन पहिल खेलमे फाप्ला घोडाघोडी ओ फाप्ला गोदावरीबीच हुइल रहे ।

जेम्ने फाप्ला गोदावरीसे टस जित्टी पहिला ब्याटिङ कैना निर्णय करल रहे । फाप्ला गोदावरीसे निर्धारित ४० ओभरके खेलमे ३१.३ ओभरमे सक्कु विकेटके क्षतिमे एक सय २४ रन बनैले रह्े ।

ब्याटिङओरसे फाप्ला गोदावरीके लाग संगित बुढाथोकी ३० बल खेल्टी सर्वाधिक २१ रन बनाईबेर हृदय विठारी ३१ बलमे १८ रन, अमन पन्थी १५ बलमो१५ रन, कप्तान पदम केसी २६ बलमे १४ रन ओ पुष्पराज उपाध्याय २८ बलमे १४ रन बनैले रहे । और ब्याट्सम्यानसे दोहोरो अंक छुए नइसेक्के टिमसे भारी स्कोर बनाई नइसेकल कप्तान पदम केसी बटैलै ।

बलिङओर फाप्ला घोडाघोडीके लाग विरेन्द्र नाथ ५.३ ओभरमे २० रन, विनोद ओझा चार ओभरमे २२ रन खर्चंटी समान ३/३ विकेट लेना सफल हुइल रहिट । यम कार्की ३ ओभरमे एक मेडेनसहित सात रन, नागराज सिंह ठकुरीसे ५ ओभरमे १ मेडेनसहित १६ रन खर्चंटी समान दुई÷दुई विकेट लेना सफल हुइलै ।

एक सय २५ रनके सामान्य विजयी लक्ष्य पछ्यइटी मैदान उत्रल फाप्ला घोडाघोडीसे निर्धारित ४० ओभरके खेलमे २२.३ ओभर खेल्टी आठ विकेटके क्षतिमे एक सय ३० रनके विजयी सुरुवात करले बा ।

ब्याटिङओरसे फाप्ला घोडाघोडीके लाग टेक रावत अविजित ४० बलमे सर्वाधिक ५४ रन बनैटी छनोट प्रतियोगितामे पहिल अर्धशतक प्रहार कैना खेलाडी बन्न सफल हुइल बाटै । ओस्टेक,अर्जुन साउँद २५ बलमे ३० रन तथा कप्तान यम कार्की २१ बलमे १४ रन बनैना सफल हुइल हुइट ।

बलिङओर फाप्ला गोदावरीके लाग अमन पन्थी पा“च ओभरमे ४० रन खर्चेबेर किरनकुमार आग्री ६ ओभरमे २१ रन खर्चंटी समान दुई÷दुई विकेट लेना सफल हुइलेसेफे अपन टिमहे जित भर डेहवाइ नइसेक्लै ।

प्रतियोगिताके दुसरा खेल काल्ह (शुकके) फाप्ला जाखोर ताल ओ फाप्ला शिवपुरीबीच हुइना प्रतियोगिता संयोजक बाबुराजा श्रेष्ठ जानकारी डेलै ।