सय जानेक स्वाब संकलन
पहुरा |
१८ मंसिर २०७७, बिहीबार
पहुरा समाचारदाता
हसुलिया, १८ अगहन । कैलालीके कैलारी गाउँपालिका–९, कोइलही गाउँके एक सय जानेक शुकके स्वाब संकलन करल बा ।
उ गाउँमे समुदायस्तरमे कोरोना संक्रमण फैललपाछे कन्ट्याक्ट ट्रेसिङ करके एक सय जानेक स्वाब संकलन करल गाउँपालिकाके स्वास्थ्य संयोजक वीरेन्द्र सापकोटा जानकारी डेलै ।
कुछ दिन आघे उ गाउँमे एकमे कोरोना पुष्टि हुइल रहे । ओकरपाछे उहाँक सम्पर्कमे आइल चार, उ चार जानेक सम्पर्कमे आइल १४ जानेकफे कोरोना संक्रमण पुष्टि हुइल रहे ।
१४ जाने संक्रमित व्यक्तिके सम्पर्कमे आइल सक्कुके परीक्षणके लाग स्वाब संकलन करल गाउँपालिकामे कार्यरत स्वास्थ्यकर्मी कुसुम चौधरी जानकारी डेलै ।
सुरुमे संक्रमण पुष्टि हुइल व्यक्ति धनगढीसे घर गैल रहिट ।
